ဘီလူးအကြောင်း တစ်စေ့တစ်စောင်း

                   ဘီလူးဟူသော စကားလုံးမှာ ဘိရု ဟု ခေါ်သော ပါဠိုစကားလုံးမှ ဆင်းသက်လာပါတယ်။ စကားလုံးပြောင်းလဲလာပုံမှာလည်း ဘိ စကားလုံးမှာ ဤ ပြောင်းပြီး ရု တွင် ရ ကို ဦ ဟု ပြောင်းလဲကာ ၀စ္စနှစ်လုံးထည့်ကာ ဘီလူးဆိုတဲ့ စကားလုံး ဖြစ်လာသည်ဟု ပေါရာဏကထာဋီကာတွင် ပြဆိုထားပါတယ်။ ဘီလူး၏အဆင်းသဏ္ဍာန်မှာ ဆိုးဝါးလှပြီး ရက်စက်ကြမ်းကြုတ်တဲ့ နေရာမှာ နှစ်ယောက်မရှိဘဲ သတ္တ၀ါတို့ကို ညှဉ်းဆဲသတ်ဖြတ်ကာ အသွေးအသားများကို စားသောက်တတ်သော နတ် ၊ ဖုတ် ၊ မြွေ ၊ ပြိတ္တာ ၊ တစ္ဆေများကို ခေါ်ဆိုကြောင်း ကျမ်းဂန်များတွင် ပြရှိပါတယ်။

                    ဘီလူးကို ပါဠိဘာသာစကားဖြင့် ယက္ခ ၊ ရုက္ခဿ ၊ ကု မ္ဘဏ္ဍက ၊ ဒေ၀ ၊ ဘူတ ၊ ပေတ ၊ ၀ိသာစ ၊ အမနုဿ စသဖြင့် အမည်အမျိုးမျိုးဖြင့် ခေါ်ဆိုကြပီးတော့ မြန်မာဘာသာစကားဖြင့် ဘီလူး ၊ ရက္ခိုသ် ၊ နတ် ၊ ဖုတ် ၊ ဒါနော ၊ ပြိတ္တာ ၊ တစ္ဆေ ၊ ဥပါဟူ၍ အမည်အမျိုးမျိုး တွင်ပါတယ်။ မည်မျှပင် အမည်အမျိုးမျိုးဖြင့် ခေါ်ဝေါ်စေပါမူ အကျဉ်းချုပ်အားဖြင့် နှစ်မျိူးသာ ကွဲပါတယ်။

(၁) ကုန်းမှာနေသော ကုန်းဘီလူး
(၂) ရေမှာနေသော ရေဘီလူး

                    ကုန်းဘီလူးသည် တော တောင် သစ်ပင် အဆောက်အအုံ မြေပြင်ပေါ်တွင် နေကြပါတယ်။ ရေဘီလူးသည် သမုဒ္ဓရာ မြစ် ချောင်း အင်း အိုင် ရေကုန်တို့၍ နေထိုင်ကြပါတယ်။ အချို့ဘီလူးများသည် အထက်နတ်မင်းကြီးထံမှ လည်းကောင်း ၊ သက်ဆိုင်ရာနယ်မြေရဲ့ ဘုရင်မင်းမြတ်ထံမှ လည်းကောင်း နေရာဒေသခွဲခြားပြီး အပိုင်စားပေးလျက်ရှိတယ်။ အချို့ဘီလူးများကတော့ အပိုင်စားမရသဖြင့် သင့်သလို ရှာဖွေစားကောက်ကြတယ်..။ အချို့ဘီလူးတို့သည် နတ်တို့ဖြစ်သော အစာ (သို့) လူတို့ပူဇော်ပသသော အစာများကို စားသောက်တယ်။
  
                     အချို့ဘီလူးတို့သည် တန်ခိုးအာနုဘော်ကြီးမား၍ အချို့ဘီလူးတို့ကား တန်ခိုးအာနုဘော် နည်းလှပါတယ်။ လက်နက်အမျိုးမျိုးကိုင်ဆောင်နိုင်သော ဘီလူးရှိသလို အချို့ကတော့ လက်နက်ကိုင်ကြနိုင်.။ ဘီလူးတို့ကို ခြုံ၍ ကြည့်ပါလျှင်

(၁) နတ်ပြည်္ဋ၌ ဖြစ်သော ဘီလူးများ
(၂) လူ့ပြည်၌ ဖြစ်သော ဘီလူးမျာဒ

                        နတ်ပြည်တွင် ဖြစ်သော ဘီလူးများသည် ၀ိရူဠကနတ်မင်းကြီးနှင့်တကွ အခြွေအရံ အလုပ်အကျွေးများ ဖြစ်ကြသော ကုမ္ဘဏ်ဘီလူးများ ၊ ကုဝေရနတ်မင်းကြီးနှင့်တကွ အခြံအရံ အလုပ်အကျွေးများ ဖြစ်ကြသော ဣန္ဒာသောမ စသော ဘီလူးစစ်သည်များနှင့် တလောလာ ၊ တတ္ထတလောလာ စသော ဘီလူး အစောင့်အရှောက်များနှင့် သာမန်ဘီလူးများ ဖြစ်ကြပါတယ်.။အားလုံးတို့သည် စတုမဟာရာဇ်နတ်များ ဖြစ်ကြတယ်..။ လူပြည်၌ဖြစ်သော ဘီလူးများမှာ နတ် ၊ ရက္ခိုက် ၊ ဖုတ် ၊ ဒါနော ၊ ပြိတ္တာ ၊ တစ္ဆေများ ဖြစ်ကြပါတယ်.။ သူတို့သည်လည်း နတ်မျိုးထဲတွင် ပါဝင်ပါတယ်.။
ရာဇ၀င်ကျမ်းများ ဗုဒ္ခကျမ်းများမှာ ထင်ရှားတဲ့ ဘီလူးတွေ ရှိတာ ကြားဖူးပါလိမ့်မယ်။

ဘုရားရှင်လက်ထက်မှာ အာဠာဝက ဘီလူး။ အာဠ၀ီပြည် နားရှိ တောထဲတွင် ညောင်ပင် တစ်ပင်ကို အပိုင်စားရပြီး နေတယ်။ ထိုညောင်ပင်အောက် ရောက်လာသူကို စားခွင့်ရှိတယ်လို့ စတုမဟာရာဇ်နတ်မင်းတွေက ပေးထားတယ်။
တစ်နေ့တော့ ဗုဒ္ဓရောက်လာပြီး သူ နောက်ဆုံးမှာ သောတာပန် တည်သွားရှာတယ်။

ပဉ္စ၀ုဓ ဇာတ် ငယ်ငယ်က သင်ဖူးကြမှာပါ။ ကပ်စေးနှဲ ဘီလူး ခေါ်မယ်ထင်တယ် သူ့ကို ထိတာနဲ့ ကပ်သွားတယ်။ ဒါကို ဘုရားလောင်းမင်းသားက ဇွဲနဲ့ မကြောက်ဘဲ ခံချတယ်။

မဟာသီလ၀ဇာတ် ကျတော့ သုသာန်မှာ လူသေကောင်ကို လုနေကြတဲ့ ဘီလူးနှစ်ကောင်ကို မဟာသီလ၀ မင်းကြီးက မျှတစွာ ခွဲဝေပေးတဲ့ အကြောင်းရှိပါသေးတယ်။

ကာက၀လိယ ဇာတ် က ဒီဃတာလ ဘီလူးကျတော့ ရာဇဂြိုလ်ပြည် မြို့တံခါးမှာ စောင့် နေပြီးတော့ နေ၀င်ကနေ အာရုံတက် အထိ နောက်ကျပြီး ရောက်လာသူ ၊ ၀င်သူတွေကို စားခွင့်ကို ဘုရင်ထံမှ ရထားတယ်။

နောက်ထင်ရှားတာ ခုဒ္ဒကနိကာယ်၊ ခုဒ္ဒကပါဌပါဠိတော် နှင့် သုတ္တ နိပါတ်ပါဠိတော် မှ ရတနသုတ်  ဝေသာလီပြည်မှာ အငတ်ဘေး ၊ ဘီလူးဘေး၊ အနာရောဂါဘေးတွေ ကျရောက် ပြီး လူတွေ သေကြလို့ ဘုရားရှင်နဲ့ ရဟန်း ၅၀၀ ကြွရောက်ပြီး အရှင်အာနန္ဒာကို ရတနာ့သုတ်ရွတ်စေ ပြီး ကယ်တင်ခဲ့တယ်။

လူနဲ့ ဘီလူးစပ်ပြီး ကပြားမွေးတာတွေလဲ ရှိသေးတယ်။

ပဒကုသလ မာဏ၀ ဇာတ် မှာ ဘီလူးမက လှိဏ်ဂူမှာနေပြီး သူအပိုင်စားရတဲ့ တောထဲရောက်လာသူတွေကို ဖမ်းစားတယ်။ တစ်နေ့တော့ ချောမောတဲ့ ပုဏ္ဏား ကိုဖမ်းမိပြီး မစားဘဲ ပေါင်းသင်းနေလိုက်တယ် ကောင်းစွာရှာဖွေကျွေးမွေးတယ်။ နောက်တော့ သားလေးမွေးလာတယ်။ သားအဖနှစ်ယောက်ထွက်ပြေးကြတော့ ဘီလူးမကြီး ရင်ကွဲနာကျသေရရှာတယ်။ လူ့ပြည်မှာ သားအစဉ်ပြေဖို့ ဂါထာတစ်ခု သင်ပေးလိုက်တယ် ။ အဲ့ဒါက စိန္တမဏိဂါထာပေါ့။

မဟာရာဇ၀င်ကြီး ၊ ပထမတွဲ မှာ ယာခင်းစောင့်နေတဲ့ အခိုင်းအစေ အမျိုးသမီးလေးနဲ့ ဘုမ္မစိုး ဘီလူး ပေါင်းသင်းပြီးတော့ သားတစ်ယောက်မွေးလာတယ်။ ပုဂံမင်း (၂၆)ဆက်မြောက် မြင်းကျွေးမင်း ဖြစ်တယ် လို့ ဆိုပါတယ် ။

နောက်ပုဂံဇာတ်လမ်းပါပဲ ။ အများသိပြီးသား ပန်းတော်ဆက်ဗျတ္တ နဲ့ ပုပ္ပားက ဘီလူး ပေါင်းစပ်ပြီး ရွှေဖျဉ်းကြီး ၊ ရွှေဖျဉ်းငယ် ကုလား-ဘီလူး ကပြားညီနောင်မွေးလာတယ် လို့ ဆိုပါတယ်။

ပါရာဇိကဏ် အဋ္ဌကထာမှာလဲ သုဝဏ္ဏဘုမ္မိ ၊သထုံပြည် မှာ ရေဘီလူးတွေက သီရိမာသောကမင်း ရဲ့ မွေးဖွါးခါစ ကလေးတိုင်းကို လာစားလို့ တတိယသံဂါသန တင်အပြီးရောက်လာတဲ့ သောဏထေရ် နဲ့ ၊ ဥတ္တရထေရ်တို့က မနုသီဟရုပ်တွေ ဖန်ဆင်းပြီး ဘီလူးတွေကို လိုက်ကြတယ် ။ လူတွေကို ကာကွယ်ပေးတယ် ဆိုပါတယ်။ ပြီးမှ ကျန်တဲ့ ဘီလူးတွေကို ဗြဟ္မဇာလသုတ်တော် ဟောပြီး အကျွတ်တရားရစေတယ်။ အဲဒီနေ့က မွေးတဲ့ ကလေးကိုလဲ သောနုတ္တရ မင်းသားလို့ ခေါ်တယ်။

ဘီလူးမှာ ထူးခြားတာက သူ လူယောင်ဆောင်ထားရင်တောင် -

(၁) မျက်စိနီခြင်း
(၂) မျက်တောင်မခတ်ခြင်း
(၃) အရိပ်မထွက်ခြင်း
(၄) အကြောက်အရွံ့ မရှိခြင်း
(၅) ရက်စက်ကြမ်းကြုတ်ခြင်း တို့ ရှိနေကြတယ်။

လူကို ဘီလူးဝင်စီးထားရင်လဲ ဒီလို ပဲ ဖြစ်တယ်လို့ ဆိုပါတယ်။

သူ့ရဲ့  လုပ်ငန်းသဘောသဘာဝမှာ အစောင့်အရှောက် အလုပ်ကို များစွာ တာဝန်ပေးခံရတဲ့ အတွက် နတ်မင်းကြီးများရဲ့  အခြံအရံ အလုပ်အကျွေးတွေ ဖြစ်ကြတဲ့ ဘီလူးစစ်သည်များကို ရည်စူးပြီး ဘုရားစေတီ၊သိမ်ကျောင်း၊တန်ဆောင်း ၊ရေကန်တွေမှာ ဘီလူးရုပ်ထုလုပ်ထားတတ်ကြောင်း အစဉ်အလာ တစ်ခုအဖြစ်သိရပါတယ်။

မြန်မာမှာတော့ ဘီလူးကျွန်းရဲ့ သမိုင်းနဲ့ မွန်ခမာ-နီဂရစ်တို စစ်များ အပြီး နယ်မြေ သိမ်းပိုက်ခြင်းများ ၊ ရေဘီလူးများ သောဏထေရ်တို့ ရောက်လာပြီး နောက်ပိုင်း နယ်မြေပြောင်းရွှေ့ကြပုံတွေကို မွန်ရာဇ၀င်ကျမ်းများ ၊ ဓမ္မစေတီမင်း၏ ကျောက်စာများမှာ ဖတ်ကြည့်နိုင်ပါတယ် ။ ဘီလူးကျွန်းဟာ သထုံဒေသကို အုပ်စိုးခဲ့ကြတဲ့ ဘီလူးများ (နီဂရစ်တို ဟူသော မျိုးနွယ်စုများ) စတင်နေထိုင်ခဲ့ကြကြောင်း တိကျသော သမိုင်း အထောက်အထားများအရ သိရှိရပါတယ်။ နောက်ပိုင်း ဘီလူးများ အကျွတ်တရားရပြီး ဗုဒ္ဓဘာသာကို ယုံကြည်သက်ဝင်လာခြင်း ၊ ဗုဒ္ဓဘာသာဆိုင်ရာ သာသနိက အဆောက်အဦးများကို စောင့်ရှောက်ခြင်း များရှိခဲ့တာကြောင့်လဲ ဘုရားစေတီ၊ သိမ်ကျောင်း၊ တန်ဆောင်း ၊ ရေကန်တွေမှာ ဘီလူးရုပ် ထုလုပ်ထား တတ်ကြောင်း မွန်ရာဇ၀င်များမှ သိနိုင်ပါတယ်။

ဘီလူးများကိုယ်တိုင်တည်ခဲ့သော ဘီးလင်းမြို့နယ် ၊ ဇုတ်သုတ်ရွာ ၊ ထီးဆောင်းဘုရား ကိုလဲ ဖူးတွေ့နေကြရသောကြောင့် ဖြစ်ပါတယ်။

မှတ်ချက်။            ။ ဒီနေရာတွင် ကြားဖြတ်ပြောချင်တာကတော့ ဖုတ်ပြိတ္တာများကို တစ္တေဟု မှတ်ယူရမည်။ ယင်းတစ္ဆေတွင်လည်း တစ္ဆေငယ်ကို မှင်စာ ၊ တစ္ဆေကြီးကို သရဲ ၊ အစိမ်း ၊ သဘက် ၊ ဥဗက စသဖြင့် ခေါ်သည်။ သို့ရာတွင် ခြောက်လှန့် ဖမ်းစားတတ်သော နတ်မကောင်းဆိုးဝါးမှန်သမျှကို တစ္ဆေဟု မှတ်သားရမည်.။

((((Sleep Paralysis(ဘီလူးစီး) ခြင်းအကြောင်း))))

ဘီလူးစီးတယ် ဆိုတာ ကိုယ်တိုင် မကြုံဖူးရင်တောင် လူတိုင်းကြားတော့ ကြားဖူးလိမ့်မယ် ထင်ပါတယ်။ လူကနိုးနေရက်နဲ့ ခြေတွေလက်တွေလှုပ်မရ၊ အော်မရ ပာစ်မရနဲ့ အတော်ကြီးကို စိတ်ဒုက္ခရောက်ရတဲ့ အချိန်ပါ။ အင်္ဂလိပ် လို Sleep Paralysis လို့ခေါ်ပြီး မြန်မာလို ဘီလူးစီးတယ်လို့ ခေါ်တဲ့ အခြေ အနေ တစ်ရပ်ကို တစ်ခါလောက် ကြုံဖူးသွားတာနဲ့ နောက်ထပ် ကြုံဖို့ လန့်သွား လောက်တဲ့ အတွေ့အကြုံတစ်ရပ်ပါ။ Sleep Paralysis ကိုနှစ်မျိုး ခွဲခြားနိုင်ပါတယ်။ Isolated Sleep Paralysis (ISP) နဲ့ Recurrent Isolated Sleep Paralysis (RISP) ဆိုပြီးတော့ပါ။ အလွယ်ပြောရရင် ISP ဆိုတာက လူတိုင်း ဖြစ်နိုင်ပေမယ့် RISP ဆိုတာ ကတော့ အိပ်စက်ခြင်းနဲ့ သက်ဆိုင်တဲ့ မူမမှန်တဲ့ ရောဂါတစ်မျိုးမျိုး ရှိနေသူ တွေမှာသာ ပိုဖြစ်တတ် ပါတယ်။ ISP က လူတစ်ယောက် တစ်သက်မှာ တစ်ခါ လောက်ပဲကြုံတတ် ပါတယ်။ RISP ကတော့ ခဏခဏပြန်ဖြစ်နေတာပါ။ မြန်မာလို ပြောရရင်တော့ ဘီလူးစီး တယ်ဆိုတာက သာမန်လူမှာဆိုရင် တစ်သက်မှာ တစ်ခါလောက်ပဲ ကြုံတွေ့နိုင်ပေ မယ့် အိပ်စက်ခြင်းနဲ့ သက်ဆိုင်တဲ့ ရောဂါရှိသူတွေမှာ ဆိုရင် ခဏခဏဖြစ်နိုင်ပါတယ်။ တစ်ညတည်းကိုပဲ နှစ်ခါ သုံးခါပြန်ဖြစ်နိုင်ချေ ရှိပါ တယ်။ ဘီလူးစီးတာ ဘာဖြစ်လို့ ဖြစ်ရတာလဲ ဆိုတာကို ဖြေရှင်းဖို့ ကတော့ အတော် လက်ဝင်ပါတယ်။ ဒါပေမယ့်လည်း ဘာကြောင့်လည်း ဆိုတဲ့ အဖြေ အတိအကျ တော့မရှိဘဲ သီအိုရီ သဘောတရားအရ ပဲရှိပါသေးတယ်။ လူ တစ်ယောက်ရဲ့ အိပ်စက်ခြင်းကို REM (rapid eye movement) နဲ့ NREM (non-rapid eye movement) ဆိုပြီးတော့ အဆင့်ခွဲပါတယ်။ အဲဒီ တစ်ဆင့်ခြင်း ဆီမှာကိုပဲ သူနဲ့သက်ဆိုင်တဲ့ ဦးနှောက်ရဲ့ တုန့်ပြန်မှုတွေ၊ ခန္ဒာကိုယ်ရဲ့ တုန့်ပြန်မှုတွေ ရှိပါတယ်။ တစ်ညတာ အိပ်စက်တဲ့အခါမှာ ဒီ NREM နဲ့ REM အဆင့်တွေ အလှည့်ကျ ဖြစ်ပေါ်အောင် ဦးနှောက်က ထိန်းချုပ် ထားရ ပါတယ်။ အလွယ်ပြောရ ရင်တော့ NREM ဆိုတာက အိပ်တစ်ဝက် နိုးတစ်ဝက် အခြေအနေဖြစ်ပြီး REM ကတော့ လုံးဝအိပ်ပျော် သွားတဲ့ အခြေအနေ တစ်ရပ်ဖြစ်ပါတယ်။ REM အချိန်မှာလူတွေပာာ အိပ်မက်မက်ကြပါတယ်။ အိပ်မက်ထဲမှာ ဆိုပေမယ့် လည်း ကိုယ့်စိတ်ထဲ မှာတော့ တကယ် ထင်နေတာပါပဲ။ အဲဒီတော့ အိပ်မက်ထဲမှာ လက်သီး ထိုးနေရင် အပြင်မှာလည်း လိုက်ထိုးနေဖို့ ရှိပါတယ်။ အိပ်မက်ထဲမှာ ဘောလုံး ကန်နေရင် အပြင်မှာလည်း လိုက်ကန်နေမိ ပါလိမ့်မယ်။ အဲဒီတော့ အဲလိုမျိုး အိပ်မက်ထဲမှာ လုပ်တဲ့အတိုင်း အပြင်မှာ လျှောက်မဖြစ် နေအောင် ဦးနှောက် က REM အဆင့် လူတွေ အိပ်မက်မက်ပြီ ဆိုရင် အိပ်မက်ထဲက အတိုင်း အပြင် မှာ လိုက်မလုပ်နိုင်အောင် လူကို ထိန်းချုပ် လို့ရတဲ့ ကြွက်သားတွေကို လုံးဝ မလှုပ်တော့အောင် လှမ်းပိတ်ထား လိုက်ပါတယ်။ ပြီးတော့မှ နိုးတော့မယ် ဆိုမှ REM အဆင့်ကနေ NREM ဖြစ်၊ ဦးနှောက်က ထိန်းချုပ် ထားတာတွေကို ပြန်လျှော့ပြီး ပြန်လှုပ်ရှားလို့ ရအောင်လုပ်ပါတယ်။ ဦးနှောက် က REM အဆင့်မှာ ထိန်းချုပ်တဲ့နေရာမှာ လူကိုယ်တိုင် ထိန်းနိုင်တဲ့ ကြွက်သားတွေ ကိုသာ သေအောင် လုပ်ထားပါတယ်။ အဲဒါကြောင့် ဘီလူး စီးတဲ့ အချိန်မှာ မအော်နိုင်မပာစ်နိုင်၊ မလှုပ်ရှားနိုင်ပေမယ့် အသက်ရှူတာ လိုမျိုး အရေးကြီးတဲ့ ကြွက်သားတွေကတော့ ပုံမှန် အလုပ်ဆက်လုပ် ပါတယ်။ အဲလို ဘီလူးစီးတယ် ဆိုတဲ့ အခြေအနေ ဖြစ်ပေါ်ရတာကတော့ ခုနက ပြောထားတဲ့ REM အဆင့်ကနေ မလျော့ဘဲ ဦးနှောက်က ထိန်းချုပ်ထား တာတွေ မလျှော့ဘဲ အလုပ်လုပ်ပုံ မှားယွင်းတာကြောင့် နိုးသွားပြီး လူရဲ့ သိစိတ် ပြန်ဝင်လာတာ ဖြစ်ပါတယ်။ ဒါပေမယ့်လည်း ဦးနှောက်က အိပ်နေ တယ်လို့ပဲ ဆက်သတ်မှတ်ထားပြီး REM အဆင့်မှာပဲ ဆက်ထားတဲ့အခါမှာ အခုလိုမျိုး လှုပ်မရ၊ အော်မရ ဖြစ်လာပါတယ်။ အိပ်မက်မက်နေသလို၊ တကယ် ဖြစ်နေသလို ခံစားရပါတယ်။ နိုးလာစေချင်ပေမယ့်လည်း မနိုးနိုင် ဖြစ်ခါ အတော်ကြီးကို စိတ်ဒုက္ခ ရောက်ရပါတယ်။ အခြားအပြင်ဘက်က အထိအတွေ့ တစ်ခုခုကြောင့်နဲ့ ဦးနှောက်ကပြန်ပြီး ပုံမှန်ပြန်လုပ်သွားတဲ့ အခါကျမှ ပြန်လှုပ်လို့ရသွားပါတယ်။ ဆိုလိုချင်တာက အပြင်ကလူ တစ်ယောက်ယောက် မနှိုးမခြင်း၊ REM အဆင့် မကုန်သွား မခြင်း လှုပ်လို့မရသေး ပါဘူး။ နောက်တစ်ချက် ကတော့ ဘီလူးစီးတဲ့ အချိန်မှာ လူတွေပာာ အိပ်မက်လိုဖြစ်နေပေမယ့် တကယ့်ကို ကြောက်မက်ဖွယ် ကောင်းတဲ့ စိတ်ခြောက်ခြားစရာဖြစ်တဲ့ အန္တရာယ်တစ်ခုခုနဲ့ ကြုံတွေ့နေရ တယ်လို့ စိတ်ထဲမှာခံစားမိနေပါတယ်။ အဲဒါကလည်း သိစိတ် ရှိနေတဲ့ REM အဆင့်ရဲ့ နောက်ဆက်တွဲ အနေနဲ့ ဦးနှောက်ဘာသာ ပြန်တာ လွန်ကဲပြီး ဒီအခြေအနေပာာ အသက်အန္တရာယ်ထိ ရှိလာနိုင်တယ် အရမ်း ကြောက်ဖို့ ကောင်းတယ်လို့ နောက်ဆက်တွဲ ဘာသာပြန်ပါတယ်။ အဲဒါ ကြောင့် ဘီလူး စီးခံရတဲ့ လူတွေပာာ အဲလိုလှုပ်လို့မရတဲ့ အခြေအနေ တစ်ရပ်မှာ အင်မတန် ကို ကြောက်စရာကောင်းတဲ့ အတွေ့အကြုံ ခံစားခဲ့ ရတယ်လို့ ထင်ပြီး နိုးလာရင်တောင် ကြောက်စိတ်မပြယ် ဖြစ်နေတတ် ပါတယ်။ ဒီလိုဦးနှောက်က ဘာသာပြန် မှားယွင်းတာပာာ ဦးနှောက်ကို အောက်ဆီဂျင် သိပ်မရောက်တဲ့ အခြေအနေတွေ ဥပမာ လေ၀င်လေထွက် မကောင်းတာမျိုး၊ ကာဘွန်ဒိုင် အောက်ဆိုက်ဒ် အရမ်းများနေတဲ့ အခန်းထဲမှာ အိပ်တာမျိုးဆိုရင် ပိုဖြစ်တတ် ပါတယ်။ တစ်ခါတလေမှာ အဲဒါက အလွန်ပြင်းထန်သွားတတ်ပြီး အိပ်တစ်ဝက် နိုးတစ်ဝက်ဖြစ်ကာ အိပ်မက်လို့ သိနေပေမယ့်လည်း အသက်ရှူ ကြပ်တဲ့ အထိ၊ အသက်ရှူလို့ မရတဲ့အခြေအနေထိ ဖြစ်လာပါတယ် ။ ဘီလူးစီးခြင်း (Sleep paralysis) ပာာ အသက် အန္တရာယ် ဖြစ်လောက်အောင် ဒုက္ခမပေးနိုင်ပေမယ့် ခံစားခဲ့ရတဲ့ သူအတွက် တော့ တစ်သက်တာမမေ့နိုင်အောင် ကြောက်မက်ဖွယ် ကောင်းခဲ့ပါတယ်။ ဘီလူးစီး တာပာာ အိပ်မပျော်တဲ့သူတွေ၊ အိပ်ချိန်မမှန်တဲ့သူတွေ၊ ပက်လက် အိပ်တတ် သူတွေ၊ ဖိအားများလွန်းတဲ့ သူတွေ၊ အရမ်းကို ပင်ပန်းနွမ်းနယ် နေတဲ့ သူတွေ၊ ဆေးသုံးတဲ့ သူတွေမှာ ပိုဖြစ်ပါတယ်။ ဒီနေရာမှာတော့ မြန်မာတွေ အရင်တည်း က ယူဆလာတဲ့ အချက်က အတော်မှန်နေတာ တွေ့ရပါတယ်။ ငယ်ငယ်တုန်းက ဘီလူးစီးခံရ တယ်ပြောရင် လူကြီးတွေက ပက်လက် မအိပ်နဲ့ လို့ ပြောခဲ့တာက အခုသိပ္ပံနည်းကျ ရှင်းတဲ့အခါမှာလည်း အင်မတန် မှန်နေပါတယ်။ ပက်လက်အိပ်တဲ့ အခါမှာ ခန္ဒာကိုယ်အနေ အထားကြောင့် လျှာ ဒါမှမပာုတ် အာခေါင်ပျော့ တို့ရဲ့ ဖိအားကြောင့် အသက်ရှူ လမ်းကြောင်း ပိတ်ပြီး လေသိပ်မ၀င်တော့တဲ့အခါ ဘီလူးစီးတာ ဖြစ်ပေါ်လာ နိုင်တယ်လို့ ဆိုပါတယ်။ ပုံမှန်အိပ်တာ၊ လေ၀င်လေထွက် ကောင်းအောင် လုပ်တာနဲ့ အိပ်ရာကုတင် သန့်သန့်ရှင်းရှင်းနဲ့ လူလည်း သန့်သန့်ရှင်းရှင်း အိပ်မယ်ဆိုရင် Sleep Paralysis ကိုကာကွယ် နိုင်ပါတယ်။

ဒီလောက်ဆိုရင် ဘီလူးနဲ့ပတ်သက်တာ သိသင့်သလောက်တော့ သိသွားပီလို့ ထင်မြင်မိပါတယ်။

#လင်းညို့တာရာ
#မှော်ပညာ