"ကျောက်စာ"
မန္တလေးတိုင်း ဒေသကြီး ၊ အမရပူရမြို့ ၊ အေးမေတ္တာ ခန်းမ၌ ဇန်န၀ါရီ ၁၄ ရက်
မွန်းလွဲ ၁ နာရီခွဲက စောလူးမင်း မိဖုရား သီရိစန္ဒာ ၀ဋံသကာဒေ၀ီ ၏ " မဟာ
အနုရုဒ္ဒါ ဒေ၀ါရာမ " ကျောင်းတော်ကြီး ၏ ကျောက်စာ ရှင်းတမ်း စာနယ်ဇင်း
ရှင်းလင်းပွဲ အခမ်းအနား တစ်ရပ်ကို ကျင်းပခဲ့သည်။ အခမ်းအနားသို့ ရောက်သောအခါ
အနက်ရောင် ကတ္တီပါစ ပေါ်တွင် ရွှေရောင် စာလုံးများဖြင့် ရေးသား ထားသည့်
ရှင်းလင်းပွဲ ခေါင်းစီး စာတန်းမှာ စိတ်ဝင်စား ဖွယ် ကောင်းအောင် တက်ရောက်
လာကြသူ များကို ဆွဲဆောင် ခဲ့ပါသည်။
အခမ်းအနားမှူး အဖြစ် ဒေါက်တာ
မောင်မောင်လေး ( မြန်မာစာ ပါမောက္ခ- ငြိမ်း ) မှ ဆောင်ရွက် ခဲ့ပြီး ဆရာကြီး
ဦးဝင်းမောင် (တမ္ပ၀တီ) က ကျောက်စာ နှင့် ပတ်သက်၍ တက်ရောက် လာကြသူ များကို
ပထမ ဦးစွာ မိတ်ဆက် ပေးခဲ့သည်။
ထို ကျောက်စာကို မြစ်သားမြို့ (၁၁)လမ်းရှိ
ပေတော ကျောင်းဝင်း အတွင်း၌ တွေ့ရှိ ခဲ့ကြောင်း ကို ၂၀၁၃ ခုနှစ် နိုဝင်ဘာ ၅
ရက်နေ့ထုတ် ရတနာပုံ သတင်းစာ တွင် ဖတ်ရှု ခဲ့ရပြီး ကျောက်စာ ရှိရာသို့
သွားရောက် လေ့လာ ခဲ့ကြောင်း ၊ ပထမတွင် ကျောက်စာဟောင်း ၃ ချပ်ကို တွေ့ရှိ
ခဲ့ရပြီး ပထမပိုင်းတွင် မွန်စာတစ်ဖက် ၊ ပျူစာတစ်ဖက် နှစ်ဖက် ရေးထိုး
ကျောက်စာ တစ်ခုဖြစ်ကြောင်း သိခဲ့ရသည်။ ထို့နောက် ဆရာ Mickey နှင့်
သွားရောက်ပြီး ထပ်မံ လေ့လာ သောအခါ နောက်ထပ် တစ်ပိုင်း ထပ်မံ တွေ့ရှိခဲ့သည်။
ကျောက်စာတွင် စောလူးမင်းကြီး ၏ ဘွဲ့တော်ကို ဖတ်ရှုနိုင်ခဲ့ပြီး
အကြမ်းအားဖြင့် လွန်ခဲ့သော နှစ်ပေါင်း ၉ဝဝ ကျော်က ရေးထိုးခဲ့သော ကျောက်စာ
ဖြစ်သည်ဟု ယူဆခဲ့သည်။ ယခု အသေးစိတ် လေ့လာပြီး သောအခါ အနော်ရထာ မင်းကြီး ၏
သမီးတော် ရွှေအိမ်စံ မင်းသမီး သီရီစန္ဒာဒေဝီ (စောလူးမင်း မိဖုရား) ၏ ရေးထိုး
ထားသော ကျောက်စာ တစ်ချပ် ဖြစ်
ကြောင်း သိခဲ့ရသည်ဟု ပြောကြား ခဲ့သည်။
ထို့နောက် ဘာသာဗေဒ အက္ခရာ ပညာရှင် Mr. Mickey Heart မှ ပျူစာ ရေးထိုး
ထားသည် ဘက်ရှိ ကျောက်စာပါ အချက်အလက် များကို ပရိုဂျက်တာ ဖြင့် အသေးစိတ်
ရှင်းလင်း ခဲ့သည်။ ထိုကျောက်စာ သည် စောလူးမင်း ၏ မိဖုရား သီရီစန္ဒာဒေဝီ မှ
လက်ရှိ ပေတော ကျောင်းဝင်း နေရာ တွင် ကျောင်းဆောင်ကြီး တစ်ဆောင် ဆောက်လုပ်
လှူဒါန်းရာတွင် သူမ၏ ဖခမည်းတော် အနော်ရထာ မင်းကြီးအား တမ်းတ ရည်စူးပြီး
ကျောင်းတော်၏ အမည်ကို '' မဟာအနုရုဒ္ဒါ ဒေဝါရာမ '' ကျောင်းတော်ကြီး ဟု သမုတ်
ခဲ့ကြောင်း ၊ ကျောက်စာ အရေးအသားမှာ အလွန်လှပ နက်နဲကြောင်း ထိုကျောက်စာတွင်
ရေထိုး ထားသော အက္ခရာ များကို အကြိမ်ကြိမ် ဖလှယ်ပြီး လေ့လာ ပြီးသောအခါ
ပျူဘာသာ ၊ မွန်ဘာသာ ၊ ပျူအက္ခရာ ဖြင့် ရေးထိုး ထားသော ပါဠိဘာသာ ၊ မွန်
အက္ခရာဖြင့် ရေးထိုး ထားသော ပါဠိဘာသာ ၊ မြန်မာဘာသာ ၊ ဂုံသျှမ်း ဘာသာ
တို့ဖြင့် ခြောက်ဘာသာ ရေးထိုး သည်ကို တွေ့ရှိရကြောင်း ၊ ကျောက်စာ
ရေးထိုးသော ခုနှစ် သက္ကရာဇ်မှာ သာသနာနှစ် ၁၅၆၉ ခုနှစ်မှ မြန်မာ သက္ကရာဇ် ၁၁၈၁
ခုနှစ်ကို နုတ်သောအခါ ၄၁၅ ရသဖြင့် ဦးကုလား ရာဇဝင် နှင့်လည်း
ကိုက်ညီကြောင်း ၊ ထို့ကြောင့် ကျောက်စာ ရေးထိုးသော ခုနှစ်မှာ ၄၁၅ ခုနှစ်
ဆိုတာကို ၄င်းအနေဖြင့် အတည်ပြု ပါကြောင်း ၊ ဒါကြောင့် ထိုကျောက်စာ သည်
မြန်မာနိုင်ငံ တွင် အလွန် တန်ဖိုးကြီးသော အစောဆုံး ကျောက်စာ တစ်ချပ်
ဖြစ်ကြောင်း ပြောကြား ခဲ့သည်။
ထို့နောက် မြန်မာစာ တွေ့ရှိခြင်း
နှင့် ပတ်သက်ပြီး ကျောက်စာ ထိပ်ဖူး အပါအဝင် အပိုင်း သုံးပိုင်း ပျောက်ဆုံး
နေသေးကြောင်း ယင်း ပျောက်ဆုံးသော အပိုင်းများတွင် မြန်မာစာ အရေးအသားများ
ထပ်မံတွေ့ရှိ နိုင်သေးသည်ဟု ယူဆကြောင်း ၊ အဘယ်ကြောင့် ဆိုသော် ယခု
တွေ့ရှိရသော အပိုင်း လေးပိုင်း၏ ထိပ်ဆုံးပိုင်း တွင် မြန်မာစာ အရေးအသား ကို
တွေ့ရှိခဲ့ သောကြောင့် ဖြစ်ကြောင်း ၊ ထို့ကြောင့် မြန်မာစာသည် စောလူးမင်း
လက်ထက် လွန်ခဲ့သော နှစ်ပေါင်း ၉၆ဝ ကတည်းက ရှိခဲ့တယ်ဆိုတာ သက်သေ ပြနိုင်ပြီ
ဖြစ်ကြောင်း ၊ ၄င်းအနေဖြင့် '' ၉ဝ ရာခိုင်နှုန်း ပြောနိုင် ပါတယ်။
ပျောက်ဆုံး သွားတဲ့ အပိုင်းတွေသာ ပြန်တွေ့မယ် ဆိုရင် ရာနှုန်းပြည့်
ပြောနိုင်မှာပါ ... ''ဟု ရှင်းလင်း ပြောကြားခဲ့ သည်။ ယွမ်း (သို့မဟုတ်)
ဂြွမ်း အက္ခရာ များကိုလည်း ထိုကျောက်စာ တွင် အခိုင်အမာ တွေ့ရှိပါကြောင်း ၊
ယွမ်းလူမျိုးများ သည် ယခုအခါ ကျိုင်းတုံ သျှမ်း (သို့မဟုတ်) ဂုံသျှမ်း
လူမျိုးများ ဖြစ်ကြောင်း ၊ ယခင်က ၄င်းတို့၏ ယဉ်ကျေးမှုကို တွေ့ရှိနိုင်
ပါကြောင်း ၊ ဂြွမ်း ဆိုသည့် အခေါ်အဝေါ်မှာ ( Krom ) ဆိုသည့် တောင်ပိုင်းသား
များ၏ အသံထွက်မှ ဆင်းသက် လာတာ ဖြစ်ကြောင်း ၊ ယခင်က အရှေ့
တောင်ပိုင်းသားတို့သည် နယ်နိမိတ်မရှိ ( Borderless ) အဖြစ်
မင်းတုန်းမင်းကြီး ၏ လက်ထက်ထိ ဗမာများနှင့် အတူတကွ နေထိုင်ခဲ့ကြ
တာဖြစ်ကြောင်း ရှင်းလင်း ပြောကြား ခဲ့သည်။ ဂုံသျှမ်း ဘာသာနှင့် ပတ်သက်ပြီး
လည်းကောင်း ၊ မွန်ဘာသာ နှင့် ပတ်သက်ပြီး လည်း ကောင်း အခြားသော
ပိုမိုတတ်ကျွမ်း သည့် ပညာရှင်များက ဖော်ထုတ် အတည်ပြု နိုင်မည်ဟု ယုံကြည်
ပါကြောင်း ပြောကြား ခဲ့သည်။
ထို့နောက် ပျူစာ ပညာရှင် ဆရာကြီး
ဦးနန်းလှိုင်မှ စောလူးမင်း ၏ သားတော် စောယွန်းမင်း နှင့် ရာဇကုမာရ
မင်းသားတို့၏ ပတ်သက်ပုံ ကို လည်းကောင်း ၊ မွန်စာပညာရှင် ဆရာကြီး နိုင်ဘရှင်
မှလည်း စောလူးမင်း မိဖုရား ကျောက်စာ နှင့် ပတ်သက်ပြီး လည်းကောင်း အသီးသီး
ပြောကြား ခဲ့သည်။
ထိုကျောက်စာအား လက်ရှိ ပေတော ကျောင်းတိုက်
ဆရာတော်မှ ဆက်စပ် ထိန်းသိမ်း စောင့်ရှောက် ထားသည်ဟု သိရသည်။ ကျောက်စာအား
လုံခြုံစွာ ထိန်းသိမ်း နိုင်ရန် အတွက် ကျောက်စာတိုက် ဆောက်လုပ်ရန် ငွေကျပ်
၃၅ သိန်းခန့် ကုန်ကျမည် ဖြစ်ကြောင်း သိရသည်။ ထို့ကြောင့် (၆) ဘာသာ ရေးထိုး
ထားသော အစောဆုံး ကျောက်စာကို လေ့လာ လိုသူများနှင့် လှူဒါန်း လိုသူများ
ပေတော ကျောင်းတိုက် ဆရာတော် (၁၁) လမ်း မြို့မအရှေ့ရပ် မြစ်သားမြို့ ၊ ဖုန်း
ဝ၉- ၄ဝ၂၅၂ ၆၉၁၅ သို့ ဆက်သွယ် နိုင်ပါကြောင်း သိရှိရပါသည်။
No comments:
Post a Comment