ထန်းပင်အကြောင်း

ထန်းသည် ရုက္ခဗေဒအလိုအားဖြင့် ပါလမေစီအေး (Palmaceae) သို့မဟုတ်
ပါမီ (Palmy) မျိုးရင်းတွင် ပါဝင်သည်။ ထိုမျိုးရင်းတွင် ထန်းပင်အပြင် အပင်မျိုးပေါင်း ၁၅၀၀ ကျော် ရှိလေသည်။ ပေပင်၊ အုန်းပင်၊ ကွမ်းသီးပင်၊ ဓနိပင်၊ စလူပင်၊ စွန်ပလွန်ပင်၊ ဆပ်သားဖူးပင် စသည်တို့သည် ထန်းပင်နှင့် မျိုးချင်းစပ်အပင်များ ဖြစ်ကြသည်။
ပုံပန်းသဏ္ဍာန်။
ထန်းအမျိုးဝင်အပင်တို့အား အရွက်ကိုလိုက်၍ နှစ်မျိုးခွဲခြားထားသည်။ တစ်မျိုးမှာ ငှက်မွေးပုံဖြစ်ပြီး ကျန်တစ်မျိုးမှာ ယပ်တောင်ပုံဖြစ်လေသည်။ အုန်းပင်၊ ကွမ်းသီးပင်၊ စွန်ပလွန်ပင်တို့သည် ငှက်မွေးပုံအရွက်ရှိသော အပင်မျိုးများဖြစ်ကြ၏။ ပေပင်နှင့် ထန်းပင်တို့မှာမူ ယပ်တောင်ပုံ အရွက်များ ရှိကြလေသည်။ ထိုယပ်တောင်ပုံ အရွက်ရှိသော ထန်းတို့ကို ကော်ရီဖာ ထန်း (Corypha Palm) နှင့် တော့ဒီ ထန်း (Toddy Palm) ဟူ၍ ခေါ်သည်။

ထန်းပင်သည် အတွင်းတွင် အနှစ်ရှိပြီး အပြင်မှာ အကာတည်လျက် ပေါက်လေ့ရှိသော သစ်ပင်မျိုးနွယ်မဟုတ်။ အပြင်မှာ အကာနှင့် အတွင်းမှာ
အူချောင်းပါသော မြက်အမျိုးအနွယ်ဝင်ပင် ဟု ဆိုကြသည်။
ထန်းပင်သည် အပင်စောက်မျိုးဖြစ်ပြီး အခက်အလက်ဖြာထွက်ခြင်းမရှိဘဲ အထက်သို့ ဖြောင့်ဖြောင့် မတ်မတ် ထိုးတက်သွားလေသည်။ ကြီးထွားနှုန်းမှာ အရွယ်ကိုလိုက်၍ ကွာခြားသည်။ ပေါက်ခါစတွင် ကြီးထားနှုန်း နှေးကွေးပြီး အရွယ်ရောက်လာသည်နှင့် ကြီးထွားနှုန်း တိုးမြင့်လာသည်။ ပျမ်းမျှကြီးထွားနှုန်းမှာ တစ်နှစ်လျှင် ခြောက်လက်မနီးပါးခန့်ရှိသည်။ ထန်းလုပ်သားကြီးများက တစ်နှစ်လျှင် ကြက်မတစ်ဝပ်စာမျှ မြင့်တက်သည်ဟု ဆိုကြသည်။ ထန်းရည်ခံယူသော ထန်းပင်သည် ထန်းရည်မခံယူသော ထန်းပင်ထက် ယေဘုယျအာ ဖြင့် ကြီးထွားမှု နှေးကွေးစမြဲ ဖြစ်လေသည်။

ထန်းပင်၏ ပျမ်းမျှအမြင့်ပေမှာ ၆၀ မှ ၈၀ အထိရှိသည်။ ထိုထက်ပိုမို၍ မြင့်မားသော ထန်းပင်များလည်း ရှိပေသည်။ သက်တမ်းအားဖြင့် နှစ်ပေါင်း ၁၅၀ မှ ၂၀၀ ကျော်အထိ ရှိမည်ဟု ယူဆရလေ သည်။

ပေါက်ရောက်ရာဒေသ။
ထန်းပင်သည် အပူပိုင်းနှင့် အပူလျော့ပိုင်းဒေသ၏ ဇာတိအမျိုးရိုးဖြစ်သည်။ အာရှတိုက်၊ အာဖရိကတိုက်၊ အမေရိကတိုက်နှင့် ပစိဖိတ်သမုဒ္ဒရာ အတွင်းရှိ ကျွန်းများတွင် ထန်းနှင့် ထန်းအမျိုးတူ အပင်များကို တွေ့နိုင်လေသည်။

မြန်မာနိုင်ငံအတွင်း တွေ့ရှိနိုင်သည့်ဒေသ။
ထန်းပင်သည် မိုးရေချိန် လက်မ ၂၀ မှ ၄၀ အတွင်း ရွာသွန်း၍ ပူပြင်းခြောက်သွေ့သော ရာသီဥတုမျိုးကို နှစ်သက်သည်။ မြန်မာနိုင်ငံ၊ အိန္ဒိယနိုင်ငံကဲ့သို့သော ပူပြင်းသည့် နိုင်ငံများတွင် ထန်းပင်အများ အပြားတွေ့နိုင် သည်။ မြန်မာနိုင်ငံတွင် ရေဝပ်ရာဒေသမှလွဲ၍ နေရာအနှံ့အပြား ပေါက်ရောက်နိုင်၏။ အထူးသဖြင့် မြန်မာနိုင်ငံ မြေလတ်ဒေသနှင့် မြန်မာနိုင်ငံအထက်ပိုင်းရှိ ပူပြင်းခြောက်သွေ့သော ဒေသများတွင် အများဆုံး တွေ့ရလေ့ ရှိသည်။ တနင်္သာရီတိုင်းနှင့် ဧရာဝတီတိုင်းတို့တွင် အလေ့ကျပေါက်သော ထန်းပင်အနည်းအပါးကို တွေ့ရှိနိုင် လေသည်။

ကျမ်းကိုး
၁၉၈၆ ခုနှစ်၊ စာပေဗိမာန် သုတပဒေသာ – (၀ိဇ္ဇာပညာရပ်) စာမူဆုရတဲ့ မောင်လင်းသူ (ညောင်ဦး) ရဲ့ “ထန်း”
ဝီကီမြန်မာ အွန်လိုင်း စွယ်စုံကျမ်းမှ ကူးယူဖေါ်ပြ ပါသည်။

ထန်းပင်ထန်းတောများ ထိန်းသိမ်းရန်လိုအပ်

လွန်ခဲ့တဲ့ နှစ်ပေါင်း ၅၀လောက်က မြန်မာနိုင်ငံ တစ်ဝန်းလုံးမှာ ထန်းပင်ပေါင်း နှစ်သန်းသုံးသိန်းကျော် ရှိတယ်လို့ စာရင်းများအရ သိရပါတယ်။ အခုချိန်မှာ တော့ ကျောက်ပန်းတောင်းမြို့နယ်အတွင်း ထန်းပင် ပေါင်း သုံးသိန်းကျော်နဲ့ တောင်သာ၊ မြင်းခြံနယ်ဘက် မှာလဲ သိန်းနဲ့ချီပြီး ထန်ပင်များရှိနေပါတယ်။ ကျောက်ပန်း တောင်းမြို့ကနေ နှစ်ကျပ်ခွဲကျေးရွာကို သဲလမ်း အတိုင်းသွားရင် ထန်းပင်ထန်းတော တွေကြားကနေ ဖြတ်သွားရတာ ကြည်နူးပျော်ရွှင်ဖွယ် ကောင်းလှပါတယ်။

သင်္ဘောသီးပင်၊ ကျွန်းပင်တွေလိုပဲ ထန်းပင် မှာလဲ အဖိုပင်နဲ့ အမပင်ဆိုပြီး ရှိပါတယ်။ အဖိုပင်ရဲ့ ထန်းနို့ကို လှီးရင် ထန်းရည်ချို ထွက်ပါတယ်။ ထန်းမပင် က အသီးသီးပါတယ်။ ထန်းမပင်ရဲ့ထန်းသီးခိုင်ကို ညှပ် နဲ့ညှပ်ပြီး ထန်းရည်ထုတ်ယူနိုင်ပါတယ်။ ထန်းပင်တစ် ပင်ဖြစ်ဖို့ ထန်းသီးစေ့ကို စိုက်ပျိုးရပြီး တစ်နှစ်ခန့်အ ကြာမှာ အပင်ပေါက်ကလေးဟာ မြေပေါ်ကို ထွက်လာ ပါတယ်။ တစ်နှစ်ကို တစ်ပေခန့်မြင့်တက်ပြီး သက် တမ်းဟာ နှစ် ၁၀၀ခန့်အထိရှိနိုင်ပါတယ်။ ထန်းပင်တွေ ဟာ ပူပြင်း ခြောက်သွေ့တဲ့ အညာဒေသမှာ အများအပြား ပေါက်ရောက်ပြီး အောက်ဘက်ဒေသ ရန်ကုန် တိုင်း၊ ပဲခူးတိုင်း၊ ဧရာဝတီတိုင်း၊ ကရင်ပြည်နယ်၊ မွန်ပြည်နယ်၊ တနင်္သာရီတိုင်းဒေသတွေမှာလဲ ပေါက် ရောက်ပါတယ်။

ထန်းပင်ဟာ အကြမ်းပတမ်းခံနိုင်ရည်ရှိတဲ့ အပင် မျိုးပါ။ နာဂစ်လို လေပြင်းမုန်တိုင်းတိုက်တဲ့ဒဏ်ကို တောင် မပြိုမလဲဘဲ ကြံ့ကြံ့ခံနိုင်တဲ့ ပင်မျိုးပါ။ ထန်းပင် ဟာ ပေပင်၊ အုန်းပင်၊ ကွမ်းသီးပင်၊ စွန်ပလွံပင်တို့နဲ့ ရုက္ခဗေဒ မျိုးရင်းတူပါတယ်။ ထန်းရွက်နဲ့ ပေရွက်ဟာ လက်ဝါးပုံသဏ္ဌာန်ရှိပြီး အုန်းပင်၊ ကွမ်းသီးပင်၊ စွန် ပလွံပင်အရွက်များဟာ ငှက်မွေးပုံသဏ္ဌာန်ရှိပါတယ်။ ခွဲစိတ်တဲ့အခါ သစ်သားမထွက်ဘဲ ဖိုင်ဘာမျှင်တွေသာ ရှိပါတယ်။ ထန်းပင်မှ ထန်းရည်ချိုသာထွက်ပါတယ်။ ထန်းရည်ခါးအတွက် အချဉ်ပေါက်နေတဲ့ အလျင်အိုး နဲ့ခံမှသာ ထန်းရည်ခါးရရှိပါတယ်။

ထန်းရည်ချိုဟာ အစာကြေညက်စေတဲ့အတွက် ဆရာတော်ကြီးများ၊ သက်ကြီးရွယ်အိုများက ထမင်းစားပြီးတဲ့အခါ သောက် သုံးကြပါတယ်။ ထန်းရည်ခါးကတော့ ဆီးရွှင်စေပါ တယ်လို့ ယောမင်းကြီး ဦးဖိုးလှိုင်ရဲ့ ရသဓာတုကျမ်းမှာ ဖော်ပြထားပါတယ်။ ထန်းပင်တစ်ပင်လုံးဟာ လူသား များအတွက် အကျိုးပြုပါတယ်။ ထန်းပင်မြစ်ကို မီး ဖုတ်လို့ဖြစ်စေ၊ ပြုတ်လို့ဖြစ်စေ နှစ်ခြိုက်စွာ သုံးဆောင် နိုင်ပါတယ်။ ထန်းသီးဆန်နုနုကိုလဲ စားသုံးနိုင်ပါတယ်။ ထုတ်ထုတ်ထုတ်ထုတ်နဲ့ ကျောက်ကျောစားရသလိုပါ ပဲ။ ထန်းသီးရင့်မှည့်တဲ့အခါ ဖိုက်ဘာအမျှင်တွေကြား က ၀ါဝါအနှစ်ချိုချိုမွှေးမွှေးကို ဆန်မှုန့် နှစ်ရည်သကြား တို့နဲ့နယ်ပြီး ပေါင်းခံပြီး အုန်းသီးဖတ်ဖြူးပြီး ထန်းသီး မုန့်အဖြစ် စားနိုင်တယ်။

ထန်းရွက်ကို ဇာတာဖွဲ့ဖို့ ပြု လုပ်တယ်။ ထန်းဖူးကို ငါး၊ ငှက်ရုပ်ပြုလုပ်ပြီး ဘုရားပွဲ တော်တွေမှာ ရောင်းကြတယ်။
ထန်းဖူးကို ဘူးလေး တွေရက်ပြီး ထန်းလျက်ခဲ၊ မန်ကျည်းတော်ဖီ၊ ဆီးတော် ဖီထည့်ပြီးအမှတ်တရရောင်းတယ်။
ထန်းလက်ကို ကုလားထိုင်လုပ်တယ်။ ထန်းရွက်ကို အိမ်မိုးတယ်၊ ကာ တယ်။ ထန်းပင်စည်ကို အိမ်တိုင်၊ ထုတ်တန်း၊ ရက်မ၊ ကြမ်းခင်းအဖြစ် အိမ်ဆောက်ရာမှာ သုံးကြတယ်။ ထက် ခြမ်းခွဲပြီး ရေတံလျှောက်၊ နွား စားခွက်လဲ လုပ်နိုင်သေးတယ်။

ထန်းပင် ပင်စည်အောက်ပိုင်းကို နိုင်ငံခြား ပို့ကုန်အဖြစ် တင်ပို့ရောင်းချနေပါတယ်။ ထန်းပင်ကို ခုတ်လှဲပြီး နှစ်ရက်အတွင်း အချောသပ်ရွေပေါ်ထိုးပြီး ပေါ်လစ်အရောင်တင်ဆီသုတ်လိုက်ရင် အင်မတန်လှ ပါတယ်။ အမြင့် ခြောက်ပေ၊ ခုနစ်ပေလောက်အမြင့်ရဲ့ ထိပ်ဝကို အလယ်မှထွင်းပြီး ပန်းအိုးအဖြစ် ဟိုတယ်ကြီး တွေမှာ၊ အိမ်ခြံဝင်းမြက်ခင်းပြင်တွေမှာ အလှပန်းအိုး အဖြစ် တခမ်းတနားအသုံးပြုကြပါတယ်။ မန္တလေးမြို့ နဲ့ ရန်ကုန်က ကုန်သည်တွေ နိုင်ငံခြားကို တင်ပို့နေပါ တယ်။ ရန်ကုန်မြို့ကမ်း နားလမ်းက Strand Hotel က အမှတ်တရ လက် ဆောင်ပစ္စည်းပြခန်းမှာ ရောင်းနေပါတယ်။

ဟို-တစ်ခါတုန်း ဆီက အာရပ်နိုင်ငံတွေရဲ့ သဲကန္တာရထဲမှာ ခရီးသွား ကုန်သည်တွေဟာ ကုလားအုတ်စီး၍ တစ်နေကုန် ခရီး သွားခဲ့ရပြီး ညနေစောင်းမှ အိုအေစစ်လို့ ခေါ်တဲ့ စွန် ပလွံပင်တွေနဲ့ရေအိုင်ရှိတဲ့နေရာကို ရောက်တာပါ။ အခုအချိန်မှာတော့ ရေနံတွေ အကြီးအကျယ်ထုတ် လုပ်ရောင်းချနိုင်ပြီး နိုင်ငံခြားဝင်ငွေဘီလီယံ၊ ထရီလီ ယံပေါင်းများစွာ ကြွယ်ဝချမ်းသာလာတော့ နည်းပညာ အတတ်ပညာတွေနဲ့ပေါင်းစပ်ပြီး ဆာဟာရ သဲကန္တာရ ကို မြေတူးစက်ဘူဒိုဇာတွေနဲ့ တူး၊ အောက်ခြေကြမ်း ပြင်ကို ရေစိမ့်မထွက်အောင် ကတ္တရာတွေခင်းပြီး မြေ ပြန်ဖို့၊ ကျင်းတူးထားတဲ့နေရာမှာ အရွယ်ရောက်ပြီး သား စွန်ပလွံပင်တွေကို ထရပ်ကားနဲ့ သယ်လာပြီး ရေလောင်းစိုက်ပျိုးလိုက်တဲ့အခါ မိုင်ပေါင်းများစွာ ရှည်လျားတဲ့ စွန်ပလွံပင်တောကြီးဟာ သဲကန္တာရထဲမှာ ပေါ် ထွန်းလာခဲ့ပါတော့တယ်။

ဂေဟ ဗေဒ (Ecology) တစ်စတစ်စပျက်ယွင်းလာတဲ့ အခြေ အနေတွေကြောင့် ထန်းတောတွေကိုလဲ
ထိန်းသိမ်း စောင့်ရှောက်ဖို့လိုအပ်နေပါတယ်။ သဘာဝသစ်တော တွေဟာ ရာသီဥတုအတွက် အင်မတန် အရေးပါတာ ကို လူသားတွေ သိလာနေပါပြီ။ ကျောက်ပန်းတောင်း မြို့နယ် ပတ်ဝန်းကျင် ဒေသစိမ်းလန်း စိုပြည်စေဖို့ ဂျပန် နိုင်ငံနဲ့ ကိုရီးယားနိုင်ငံတို့ကအကူအညီ တွေပေးလျက် ရှိနေပါတယ်။ Forest Resource Environment Development and Conservation Association(FREDA) အဖွဲ့အစည်းကလဲ အားကြိုးမာန်တက် ဆောင်ရွက်နေကြပါတယ်။

အောင်ကျည်စိုးမြင့် ရေးသားသော “မြို့ပြကျေးလက်နဲ့ မိုးမျှော်ဟိုတယ်ထန်းတော” မှ ထုတ်နှုတ်ယူသည်။

ထန်းပင် ထန်းတောများ ထိန်းသိမ်းနိုင်ဖို့ .. မိုးခေါင်ရေရှားခြင်း၊ ကမ္ဘာကြီး ပူနွေးလာခြင်း စသော ရာသီဥတုနဲ့ ပတ်သက်တဲ့ ဗဟုသုတ ဟောပြောပွဲများ ကျေးလက်ဒေသထိ ဆင်းကာ ပြုလုပ်သင့်ပါကြောင်း။