နားရောဂါအမျိုးမျိုး

မြန်မာ့အာယုဗ္ဗေဒ သိမ်ဖြူဆေးသိပ္ပံဆရာတော်
ရေးသားသော " အိုမှုနှင့်ဆိုင်ရာ ပြဿနာများ "စာအုပ် မှ
" ကြိုတင်ကာကွယ် ဘေးမတွယ် " (၈)

"နားရောဂါအမျိုးမျိုးအတွက် ဆေးနည်းများ"

" နားအူ နားလေထွက်ခြင်း"
   (၁)    သလဲရွက် သတ္တုရည် ၁၂-ဆ၊ ဥသျှစ်ရွက် သတ္တုရည် ၁၂-ဆ၊
       နွားထောပတ် ၁၂-ဆ ရောပြီးချက် ထောပတ်သက်သက် ကျန်
       သောအခါ ထိုဆေးတွင် နွားနို့ ၅ဆထည့်ပြီး သကြားခဲသင့်ရုံ
       နှင့် ရက်အနည်းငယ်တိုင်အောင် နေ့စဉ်သောက်သုံးခဲ့သည်ရှိ
       သော် နားအူ နားလေထွက်သော ရောဂါပျောက်ကင်းသက်သာ
       စေနိုင်ပါသည်။

   (၂)    ဥသျှစ်ကင်းကို နွားကျင်ငယ်ရည်နှင့်ကြိတ်၍ နှမ်းဆီ၊ နွားနို့တို့
       နှင့် ရောချက်ပြီး၊ ကျန်နေသောဆီဖြင့် နားကျပ်ပေးလျှင် နားအူ၊
       နားလေထွက်သော ရောဂါပျောက်ကင်းသက်သာစေနိုင်ပါသည်။

" နားပြည်ယို နားပိုးနာ "
   (၁)    ကြောင်ပန်းရွက် သတ္တုရည်ကို နှမ်းဆီရော၍ချက်ပြီး ကျန်နေ
       သောဆီတွင် ပျားရည်ထည့်မွှေ၍ နားတွင်ထည့်ပေးပါက နား
       ပြည်ယို၊ နားပုပ်နာ၊ ပိုးနာတို့ကို ပျောက်ကင်းချမ်းသာစေနိုင်ပါ
       သည်။
   (၂)    ငုရွှေဝါသီးအနှစ်ကိုပြုတ်၍ နား၌ခပ်ပေးလျှင် နားပြည်ယို၊ နား
       ပုပ်၊ နားပင်းနာတို့ကို ပျောက်ကင်းစေနိုင်ပါသည်။
   (၃)    ဆီမီးတောက်အရွက်မှုန်ကို သံပုရာရည်နှင့် နားတွင်ထည့်ပေးလျှင်
       နားပြည်ယို၊ နားပိုးနာဟူသမျှ ပျောက်ကင်းစေနိုင်သည်။
   (၄)    ဇွန်ပန်းရွက် သတ္တုရည်ကို နား၌ခပ်ပေးလျှင် နားပြည်ယိုနာ
       ပျောက်ကင်းသက်သာစေ၏။
   (၅)    ကျီးအာသီးအဆံကိုကြိတ် အုန်းဆီနှင့်ဖျော်၊ မီးနွေးနွေးပြု၍
       ကြက်တောင်ဖြင့်ကျပ်လျှင် နားပြည်ယို၊ နားပိုးနာတို့ကို ပျောက်
       ကင်းစေနိုင်ပါသည်။

" နားပင်းရောဂါ "
   (၁)    ကျီးသီးဆံအမှုန့်ကို ၀က်ချေးမနဲ သတ္တုရည်နှင့်ရောပြီးနားတွင်
       ထည့်ပေးလျှင် နားပင်းရောဂါ ပျောက်ကင်းစေနိုင်ပါသည်။
   (၂)    ကြက်မောက်ဆူးပြန် ၁ိ၊ နှမ်းမဲ ၂ိ-၈ဲ၊ ရေ ၁၀ိနှင့်ရောပြီး ဆီသက်
       သက်ကျန်အောင်ကျို ၎င်းင်းကို နားတွင် စွဲမြဲစွာ ကျပ်ပေးလျှင် နား
       ပင်းရောဂါမှ ပျောက်ကင်းစေနိုင်ပါသည်။
   (၃)    ဖားဆီကို ကြက်တောင်နှင့် စွဲမြဲစွာ နားကျပ်ပေးလျှင် နားပင်း၊
       နားထိုင်းရောဂါများကို ပျောက်ကင်းစေနိုင်ပါသည်။
ထိုသို့ နားရောဂါအတွက် ရောဂါခံစားမှုအလိုက် ဆေးတို့ကို ဖော်ပြပြီးဖြစ်
သည်။ ထိုသို့ ခံစားချက်နှင့်ဆေးကို ညီမျှအောင်သုံးစွဲနိုင်လျှင် ငွေကုန်၊
လူမ ပန်းရောဂါမကျွမ်းရဘဲ နားရောဂါ အရပ်ရပ်တို့မှ လွတ်ကင်းချမ်းသာစေနိုင်
ပါသည်။

" အခက်ဆုံးသော နားလေး၊ နားပင်းရောဂါ "

အသက်ကြီးသောအခါ၌ သို့မဟုတ် အသက်ငယ်သော်လည်း ငယ်စဉ်က ပင်လျှင် ပဋိသန္ဓေဗီဇမွေးရာပါထုတ်လုပ်မှု ခုခံကာကွယ်မှုအားနည်းခဲ့သော
ကလေးသူငယ်သူရွယ်များတွင်ဖြစ်သော နားရောဂါ၊ ဒဏ်ကြောင့်ဖြစ်သော နားရောဂါ၊
အသက်ကြီးလာ၍ နားအိုလာသော ရောဂါစသည်တို့ကို နားရော ဂါလွန်ဟု ခေါ်ပါသည်။
ထိုနားရောဂါလွန်များနှင့် တစ်စုံတစ်ခုရောဂါတို့ကြောင့် ဆေးလွန်ဝါးလွန်
တို့ကို အကာအကွယ်မရှိဘဲ စားသောက်ခဲ့ရ၍ ဖြစ်လာသော နားရောဂါတို့ ကား
အောက်တွင်ဖော်ပြမည့်ဆေးကို အသုံးပြုရမည်ဖြစ်သည်။ ၎င်းင်းဆေးသည် ရောဂါလွန်၅-မျိုးစလုံးအတွက် အကျိုးသက်ရောက်မှုရှိသော ဆေးလွန်ဖြစ်ပါ သည်။
တစ်ချိန်ကမိမိတွေ့ဖူးသည်မှာ အသက် ၈၀-ကျော် ဆရာတော်ကြီး တစ်ပါးသည်
အသက် ၇၀-ကျော်အရွယ်မှစ၍ တဖြည်းဖြည်းနားလေးလာ၏။
အော်ပြောသည်ကိုပင် မကြားရတော့ပေ။
နားအတွက် ကိုယ်ဆင်းရဲ၊ စိတ် ဆင်းရဲ ဖြစ်နေရလေသည်။
ထိုနားရောဂါသည်ဇရာကြောင့်ဖြစ်သော နား ရောဂါဟု သိသဖြင့်၊
၎င်းဆေးကို အသုံးပြုသွားစေရာ
တဖြည်ဖြည်း နား ကြော၊ အာရုံကြောများလန်းဆန်းပြီး အပြောအဆိုစိတ်နေစိတ်ထား
ကြည် လင်သန့်ရှင်း၍ ထူးခြားသော အကျိုးသက်ရောက်မှုရှိသည်ကို တွေ့ကြုံခဲ့ရ
ဖူးပါသည်။

၎င်းင်းဆေးအတွက် ဆေးဘက်တို့ကို ယူငင်ရာတွင် -
(၁)    စစ်မှန်ခြင်း
(၂)    လတ်ဆတ်ခြင်း
(၃)    သန့်ရှင်းခြင်း
(၄)    အလေးချိန်မှန်ခြင်း
ဟူသော အမှန် ၄-ချက်နှင့် ပြည့်စုံရန် အလွန်အရေးကြီးပါသည်။
ပါဝင် သော ဆေးဘက်မများသော်လည်း ကတိုးဟူသော ဆေးဘက်သည် လွန်စွာ အရေးကြီးပါသည်။

" ကတိုးဆေး "

ဆေးတွင်လည်း ထိုကတိုးက ဦးဆောင်နေပါသည်။
ကတိုးတွင်လည်း မျက်ကတိုး၊နွယ်ကတိုး၊ သစ်ကတိုး၊ ကြက်ကတိုး၊
ကြောင် ကတိုး၊ ဂမုံးကတိုး၊ သားကတိုးစသည်ဖြင့်ရှိကြရာတွင်
ယခုဆိုလိုသောကတိုးမှာ သားကတိုးဖြစ်ပါသည်။

ထိုကတိုးတွင် မွှေးပျံ့သော ဂန္ဓာရုံဦးဆောင်နေပါသည်။
သားကတိုးသည်ခြေအငယ်စားမျှရှိသော သားကောင်းတစ်မျိုး၏ချက်တွင်
ကတိုးချိန်၌ အလုံးအဖုဖြစ်ပေါ်လာသည်။
ထိုအလုံးကိုပင်လျှင် သားကတိုးဟု ခေါ်ခြင်းဖြစ်ပါ သည်။
(ထို-ကတိုးအကြောင်းကို အရှင်နာဂသိန်ပုံပြင်၊ သားငါးကျေးငှက် ဆေး အဘိဓာန်
ပဉ္စမတွဲ ပထမပိုင်း၌ အကျယ်တ၀င့် ဖော်ပြထားပါသည်။)
မိမိမှတ်သားဖူးသော ကတိုးအစစ်ကို ခွဲခြားနိုင်သည့်နည်းမှာ ကတိုးကို
မည်မျှလုံခြုံအောင် ထားသည်ဖြစ်စေ၊ အနီးတစ်ဝိုက်၌၎င်း၏အနံ့သည် သင်း
ပျံ့နေတတ်ပါသည်။
အခြားတစ်နည်းမှာ ကတိုးကို လူတစ်ယောက်က ဦးစွာ
လက်တစ်ဖက်ဖြင့် ဆုပ်ထားပါ။ ကျန်တစ်ဖက်ဖြင့် အခြားတစ်ယောက်၏
လက်ကိုဆုပ်ကိုင်ပါ။ ထိုအတိုင်း ဆက်သွား၍ ၇-ယောက်ပြည့်သောအခါ နောက်ဆုံးလူ၏
လပ်နေသော လက်ဖ၀ါးတွင် ကတိုးနံ့သင်းနေသည်ဟု အဆို ရှိပါသည်။

ထိုဖော်ပြလတံ့သောဆေးသည် ဆွံ့အစကားလေးထစ်မှုမရှိသေးသည့်
မည်သည့်နားဝေဒနာရှင်မဆို ထိုဆေးကို သုံးစွဲခြင်းဖြင့် ထူးခြားသော အကျိုး
တရားတို့ကို ဧကန်ရရှိစေမည်ဖြစ်၍ ထိုရိုးရာအစဉ်အလာသုံးဆေးနည်းကို
ဖော်ပြအပ်ပါသည်။

ဆေးနည်း

   (၁)    ရှိန်းခို    ၁ ကျပ်
   (၂)    ပန်းဥ    ၁ ကျပ်
   (၃)    ပန်းရင်    ၁ ကျပ်
   (၄)    စန္ဒကူးနီ    ၁ ကျပ်
   (၅)    ကတိုးစစ်    - ၄ဲ

၎င်းတို့ကို ကွမ်းရွက်သတ္တုရည်နှင့်ကြိတ်၍ အတောင့်ပြုလုပ်ထားပါ။
အသုံးပြုလိုသောအခါ ကွမ်းရွက်သတ္တုရည်ဖြင့်ပင်သွေးပြီး နား၌ထည့်ပြီး
ကျပ်ပေးရသည်။

Credit-မြန်မာ့အာယုဗ္ဗေဒဆေးပညာ