ဘားအံမြို့ရွှေရင်မျှော်ဘုရားသမိုင်း

ကရင်ပြည်နယ် ဘားအံမြို့ ရှိ  ရွှေယဉ်မျှော်ဘုရားသမိုင်းကြောင်း

           လွန်ခဲ့တဲ့ နှစ်ပေါင်း ၂၅၀၀ ကျော်က မွန်ပြည်နယ် ဇင်းကျိုက်တောင် နှင့် ကရင်ပြည်နယ် ဇွဲကပင်တောင်ကြားရှိ မြတ်စွာဘုရားရဲ့ဆံတော်စစ်စစ်ကို စေတီများ တည်ထားကိုးကွယ်ခဲ့တဲ့အချိန်မှာ ၀ိဇ္ဇာဓိုရ်လုလင်တွေ၊ ဘောဂ၀တီနဂါးပြည်က နဂါးမင်းတွေ၊ကူးလူးသွားလာနေထိုင်ပျော်မြူးခဲ့ကြပါတယ်။ အဲဒီအချိန်မှာ ဘောဂ၀တီပြည်က နဂါးမလေးတစ်ကောင်က လူ့ ဘ၀အသွင်ဖြင့် ပြောင်းလဲပြီး လူ့ပြည်မှာ လာရောက်နေထိုင်ပါတယ်။ ထိုအခါ လုလင်ဝိဇ္ဇာဓိုရ်တစ်ဦးက လူယောင်ဆောင်ထားတဲ့ နဂါးမကို တွေ့ပြီး မြင်မြင်ချင်းချစ်ကြိုက်ကာ စမ်းချောင်းလေးအနီးမှာ အတူတကွ နေထိုင်ပျော်မြူးခဲ့ကြပါတယ်။

အချိန်တွေကြာလာသောအခါ နဂါးမလေးက ပဋိသန္ဓေကိုယ်ဝန် ရရှိလာပါတယ်။ ထိုအချိန်မှာ ၀ိဇ္ဇာဓိုရ်လုလင်သည် သူ့ရဲ့ကျင့်စဉ်လမ်း တက်လှမ်းနိုင်ရန်အတွက် အခြားခရီးအဝေးတစ်နေရာသို့ မလွဲမသွေ သွားရောက်မည်ဖြစ်သောကြောင့် ချစ်ဇနီးအား ခွင့်ပန်ပြီး ရေတံခွန်စမ်းချောင်းမှ ထွက်ခွာလိုက်ပါတယ်။
လတွေ ၊နှစ်တွေ ကြာလာသောအခါ ၀ိဇ္ဇာဓိုရ်လုလင်မှာ ပြန်၍ပေါ်မလာသောအခါ ကိုယ်ဝန်အရင့်မာနဲ့တစ်ယောက်တည်း၊ အားငယ်စွာနဲ့ ကျန်ရစ်နေသော နဂါးလေးက မွေးဖွားဖုို့နီးကပ်လာခဲ့ပါတယ်။ ထိုအခါ နဂါးမင်းသမီးသည် ဤသို့ အကြံပေါ်ခဲ့ပါတယ်၊ “ဒီသန္ဓေဥကလေး ၂ လုံးကို ဥတစ်လုံးက လူသားဖြစ်ပြီး ကျန်တဲ့တစ်လုံးက နဂါးလေးဖြစ်ပါစေသတည်း”ဟု အဓိဌာန်ပြုပြီး ရေတံခွန်စမ်းချောင်းနံဘေးမှာ မွေးဖွားသန့်စင်ပြီးနောက် မိမိတို့နေထိုင်ရာ ဌာန ဘောဂ၀တီနဂါးပြည်သို့ကြွေကွဲဝမ်းနည်းစွာဖြင့်ပြန် သွားလိုက်ပါတယ်။ နောက်တစ်နေ့ နံနက်မိုးသောက်သောအချိန်မှာ ရေတံခွန်စမ်းချောင်းအနီးတွင် တရာဓမ္ဓ္ဓ္မပွားများအားထုတ်နေသောအရှင်ရသေ့ကြီးတစ်ပါးက ခလေးငိုသံတစ်ခုကြားလိုက်ရသဖြင့် သွားရောက်ကြည့်ရှူသောအခါ လွန်စွာချစ်စရာကောင်းသော ရင်သွေးစမွေးကင်းစကလေးငယ်လေးကို မြင်တွေ့ရပါတယ်။ရသေ့ကြီးက ၀မ်းသားအားရစွာဖြင့် ကလေးကို ပွေးချီပြီး မိမိတို့နေထိုင်ရာကျောင်းသင်္ကန်းကို ပြန်လာသောအခါ ပုရိသ ယောကျာ်းလေးမဟုတ်ဘဲ လွန်လှပသော ခလေးမိန်းခလေးဖြစ်နေပါတယ်။ထိုအခါရသေ့ကြီးက “လွန်စွာချစ်စရာကောင်းပြီး အဆင်းလှသော သမီးလေးဖြစ်နေသောကြောင့် ငါ့ရဲ့ ကျောင်းသင်္ကန်းနဲ့ မသင့်တော်ချေ။”အဲဒါကြောင့် ရသေ့ကြီးက သားသမီးမထွန်းကားတဲ့ ကရင်ဇနီးမောင်နှံ နှစ်ယောက်ကို သားသမီးအရင်းတစ်ယောက်လို ပြုစုပါရန် ကတိတောင်းပြီး ချစ်စဖွယ်ကောင်းသော သမီးလေးကို ပေးလိုက်ပါတယ်။ကရင်ဇနီးမောင်နှံတို့ကလဲ လွန်စွာလှပသော ချစ်သမီးလေးကုိ “စောနန်းဝေ”ဟု နာမည်ပေးခဲ့ပါတယ်။ထိုအခါ “စောနန်းဝေ”မင်းသမီးလေးသည် တဖြည်းဖြည်းကြီးပြင်းလာပြီး အသက်(၁၆)အရွယ် ရောက်လာခဲ့ပါတယ်။စောနန်းဝေသည် မိမိ၏ဖခင်ဖြစ်သူ အရှင့်ရသေ့ကျောင်းသင်္ကန်းကို နေ့တိုင်းဆွမ်းသစ်သီးတို.ကို ပျက်မကွက် ပို.ဆောင် ကုသိုလ်ပြုခဲ့ပါတယ်။စောနန်းဝေမင်းသမီးသည် လွန်စွာစိတ်ထားကောင်းပြီး ရုပ်ဆင်းသွင် လှပသောကြောင့် လူချစ်လူခင်ပေါများသော မင်းသမီးလေးတစ်ပါးဖြစ်ပါတယ်။တစ်နေ.၌ ခရားသံလျင်မင်းကြီးသည် သူ့ရဲ့ပိုင်နက်မြေ အသီးသီးကို ကြည့်ရှူလှည့်လည်ကာ (ကော့နန်းသာရွာ)ကိုရောက်ပြီး စောနန်းဝေကို တွေ့ဆုံခဲ့ပါတယ်။စောနန်းဝေကို မြင်လိုက်တဲ့အချိန်မှာ ချစ်ခင်နှစ်သက်ပြီး မင်းကြီးတို့၏ ဣနြေ္ဒဂုဏ်သိက္ခာကို မစောင့်စည်းနိုင်တောဘဲ စောနန်းဝေမင်းသမီးကို မိဖုရားတင်မြှောက်ရန် အမိန်.ချလိုက်ပါတယ်။စောနန်းဝေမိဖုရားသည် နန်းတော်သို့ရောက်ရှိလာပြီး ခရားသံလျင်ဘုရားကြီးက စောနန်းဝေမိဖုရားကို တခြားမိဖုရားတွေထက် ပိုပြီး ယုယမူ၊ ဂရုစိုင်မူတွေ ပေးခဲ့ပါတယ်။အချိန်တွေကြာလာသောအခါ တခြားမိဖုရားကြီးတွေက စောနန်းဝေမိဖုရားအပေါ် မနာလိုဝန်တိုမူတွေဖြစ်ပြီး မကျေနပ်မူတွေ ဖြစ်ကြပါတယ်။တစ်နေ့တ၌ ခရားသံလျင်မြို့တော်၏ အနီးအနားရှိ မြို့များက ခရားသံလျင်မင်းကြီးကို ပုန်ကန်လာကြပါတယ်။မင်းကြီးသည် တိုင်းပြည်မငြိမ်မသက်ဖြစ်နေသောကြောင့် မင်းကြီးကိုယ်တိုင် စစ်အင်္ဂါလေးပါးနဲ့ ချီတက်ရမဲ့အချိန် ကျရောက်လာခဲ့ပါတယ်။ထိုအချိန်မှာ မင်းကြီးရဲ့ ချစ်လှစွာသော မိဖုရားစောနန်းဝေ မှာ ကိုယ်ဝန်အရင့်မာ ရှိနေတဲ့အချိန်ဖြစ်ပါတယ်။မင်းကြီးသည်လည်း စစ်ထွက်ပြီး မိဖုရားကြီးစောနန်းဝေကို တစ်ယောက်တည်းထားခဲ့ပေမဲ့စိတ်မအေးဖွယ်ဖြစ်နေရပါတယ်။ဒါပေမဲ့မင်းကြီးသည် နန်းတော်အတွင်းမှာကျန်ရစ်နေသော မှူးတော်၊အမတ်တော်၊ အထိန်းတော်များ၊တခြားမိဖုရားများကိုလဲ မင်းကြီးမရှိတဲ့အချိန်မှာ ကိုယ်ဝန်အရင့်မာနဲ့ကျန်ရစ်နေသာမိဖုရားစောနန်းဝေကို စောင့်ရှောက်ဂရုစိုက်ရန် ကတိသစ္စာ ပြုပြီးတော့မှ မိဖုရားစောနန်းဝေကို နှုတ်ဆက်စကားပြောပြီး စစ်တိုက်ရန် ထွက်သွားလိုက်ပါတယ်။မင်းကြီးစစ်ထွက်ပြီးနောက်ပိုင်း တခြားမိဖုရားကြီးတွေက မိဖုရားစောနန်းဝေ ဒီနန်းတော်ကနေ ထွက်သွားအောင် အကြံဥာဏ်တွေ အချင်းချင်းထုတ်ကြပါတယ် “မိဖုရားစောနန်းဝေ ဒီနန်းတော်ရောက်လာတဲ့နေ့ကစပြီး မင်းကြီးက ငါတို့အဆောင်ကို မကြွလာဘူးဆိုတာ သင်မိဖုရားတို့ သိကြတဲ့အတိုင်းပဲလေ ပြီးတော့ ငါတို့လဲစိတ်ချမ်းမူ မရခဲ့ဘူးလေ အဲဒီတော့ မင်းကြီးမရှိတုန်း တောသူမ စောနန်းဝေကို ဒီနန်းတော်ကြီးကနေ ထွက်သွားရအောင် အချင်းချင်းငါတို့အကြံထုတ်ရမယ်”ခေါင်းဆောင်မိဖုရားက ဆိုပါတယ်။မကြာမှီကာလအချိန်အတွင်း မိဖုရားစောနန်းဝေက ခလေးမွေးဖွားရမဲ့အချိန်ကျရောက်လာပါတယ်။ထိုအခါ တခြားမိဖုရားတွေက အကြံဥာဏ် ယုတ်မာစွာဖြင့် ၀မ်ဆွဲဆရာမကြီးကို ငွေသပြာနှင့်ရတနာများစွာပေးပြီး မိဖုရားစောနန်းဝေရဲ့ သားလေးကို ဖယ်ထားပြီး ခွေးပေါက်စလေးတစ်ကောင် ထားခဲ့ပါတယ်။မိဖုရားစောနန်းဝေရဲ့သားကို အိုးကြီးတစ်လုံးထဲမှာ ထည့်ပြီးမြစ်ထဲကို မျော့ပစ်လိုက်တယ်။မိဖုရားစောနန်းဝေ ဟာ ကိုယ့်ခလေးငိုသံလေးကြားနေရပေမဲ့ ခလေးရဲ့မျက်နှာကို မမြင်လိုက်ရလို့ မျက်ရည်တဖြိ်ုင်ဖြိုင်ကျပြီး ငိုနေရရှာတယ်။နန်းတော်အတွင်းရှိ တခြားမိဖုရားတွေကလဲ လူကနေ ခွေးမွေးတယ်ဆိုပြီး တစ်နန်းတော်လုံး ကြော်ငြာလိုက်ပါတယ်။နောက်ဆုံးတစ်တိုင်းပြည်လုံးထိ သတင်းတွေကျော်ကြားသွားပါတယ်။ပြီးတော့ တခြားမိဖုရားတွေကလဲ အပြစ်တွေ ပြောကြပါတယ်။ မကြာမှီ အချိန်အတွင်းမှာ ခရားသံလျင်မင်းက စစ်ပွဲနိုင်ပြီး နန်းတော်ကို ပြန်လာကာ မိဖုရားစောနန်းဝေ အဆောင်ကို အရင်ဦးဆုံးဝင်လာခဲ့ပါတယ်။ထိုအခါ  မင်းကြီးက သူ့ရဲ့ခလေးက လူမဟုတ်ဘဲ ခွေးဖြစ်နေတာသိလိုက်တဲ့အချိန်မှာ သူမယုံပေမဲ့ ဒီသတင်းက နန်းတော်တင်မက တစ်တိုင်းပြည်လုံး ပျံ့နှံ့သွားပြီးဖြစ်တဲ့အတွက် မိဖုရားစောနန်းဝေကို နန်းတော်နဲ.့မထိုက်တန်ဘူး ဆိုပြီး နောက်ဆုံး နန်းတော်ကနေ နှင်ထုတ်လိုက်ရပါတယ်။မိဖုရားစောနန်းဝေ ဟာ မိမိရဲ့အမိမြေကို ပြန်ပြီး အပြန်လမ်းမှာ မိမိရဲ့ခလေးလေးကို အသံကြားရပြီး မမြင်လိုက်ဘူး အဲဒီစိတ်ရဲ့ အစွဲလမ်းကြောင့်ရင်ကွဲခံစားပြီး သေသွားရပါတယ်။အဲဒီ သားလှရတနာလေးကို တဏှာသံယောဇဉ် စွဲလမ်းမူတို့ကြောင့် ဘ၀ဇာတ်သိမ်းအယူသိမ်းပြီး နတ်စိမ်းဘ၀ ဖြစ်ခဲ့ရပါတယ်။
       ရှေ.ဆက်ပြီး မိဖုရားစောနန်းဝေ၏ရင်သွေးလေး အကြောင်းပြောပြပါဦးမယ်။ထိုသို့ စိတ်ထားယုတ်ညံ့သော မိဖုရားကြီးတစ်စုက ကောက်ကျစ်သော စဉ်းလဲမူတို့ကြောင့် စောနန်းဝေ၏သားလေးကို သနားညှာတာမူ မရှိဘဲ အိုးဒုတ်ကြီးတစ်လုံးထဲမှာ ထည့်ပြီး ရေတက်သည့်အတိုင်း ခရားသံလျှင်မြစ်မှ မျောပါလာ၍ ဖားပုတောင်၏ခြေရင်း သံလွင်မြစ်၏ အနောက်ဘက်ကမ်း သဖန်ပင်များ ပေါက်ရာ အရပ်မှာ သဖန်ကိုင်းများနဲ့ ညှိတွယ်ရပ်တည်နေပါတယ်။
တစ်နေ့သော် ငါးများကို ဖမ်းယူရောင်းချစားသောက်နေသော တံငါသည်လင်မယား ထုံးစံအတိုင်း ညနေခင်းအချိန်အခါရောက်ရှိလာပါက ငါးဖမ်းထွက်နေကြပါတယ်။ အဲဒီအချိန်မှာ လွန်စွာထူးဆန်းလှသော သဖန်းကိုင်းနဲ့ညှိတွယ်နေသော အိုးဒုတ်ကြီးတစ်လုံး မြင်မိပါတယ်။အိုးဒုတ်ကြီးအတွင်းမှာ လွန်စွာ ချစ်စဖွယ်ကောင်းသော ခလေးငယ်လေးကို တွေ့မိပြီး ခလေးငယ်ကို ရင်မှာပိုက်ကာ ၀မ်းသာစွာဖြင့် မိမိတို့၏နေအိမ်ကို ပြန်လာခဲ့ပါတယ်။ နေအိမ်တို့ရောက်သောအခါ ခလေးငယ်ကို နွားနို့၊ဆိတ်နို့တို့ ဆောင်ယူတိုက်ကျွေးပြီး သားသမီးအရင်းကဲ့သို့ စောင်ရှောက်ခဲ့ပါတယ်။
         ထိုအချိန်ကာလတွင် ဖားပုတောင်၏ တောင်ထိပ်မှာ “မဏ္ဍုဖားမင်းကြီးတစ်ကောင်” နေထိုင်ပါတယ်။ဖားမင်းကြီးသည် နေ့အချိန်မှာ သစ်ရိပ်ဝါးရိပ်နှင့် အေးမြနေသော တောင်ထိပ်ကို အေးချမ်းစွာ အနားယူပြီး ညအချိန်မှာ တောင်ခြေရင်းတွင် မိမိ၏အစာစားများဖြစ်သည့် ပုရစ် အစရှိသော ပို်းကောင်ငယ်လေးများကို စားသောက်ပြီး ပိုက်ဝလာပါက မိမိ၏ နေထိုင်ရာ တောင်ထိပ်သို့ ပြန်တက်အနားယူလေ့ရှိပါတယ်။
နေ့စဉ်နေ့တိုင်း ဆောင်ရွက်စရာကိစ္စများကို ဆောင်ရွက်နေစဉ်အတွင်း တစ်နေ့သ၌ စာရှာထွက်ရင်း ဖားပုတောင်ခြေလှိုဏ်ဂူအတွင်း ပုလ္လင်အပေါ်၌ မြကလပ်နှင့်တင်ထားတဲ့ နီရဲဝင်းမှည့်နေသည့် ပြဒါးရှင်လုံးအား မြင်တွေ့ပြီး ဖားမင်းကြီးက ပတ္တမြားနီကို မိမိ၏ အစာထင်ပြီး မျိုချစားသုံးလိုက်ပါတယ်။
ဖားမင်းကြီးသည် အစာစားသုံးပြီး မိမိနေထိုင်ရာ တောင်ထိပ်သို့ တက်လှမ်းရာ၌ ယခင့်နေများနှင့်မတူ မောပန်းနွယ်နယ်မူမရှိသလောက် ထူးခြားစွာ ခန္ဓာကိုယ်အတွင်း ခံစားနေရပါတယ်လို့ စိတ်ထဲမှာ သန္တာန်များဖြစ်ပေါ်စေခဲ့ပါတယ်။ ဖားမင်းကြီးသည် တစ်နေ့တွင် တောင်ခြေသို့ဆင်းသက်၍ အစာစားစဉ် မမျှော်လင့်ဘဲ ကမ်းပါးအနီးရှိ သဖန်းပင်နဲ့ ညှိတွယ်နေသော အိုးဒုတ်ကြီးမှာ  ဘာမှမရှိသောကြောင့် အဲဒီနေ့မှစပြီး ဖားမင်းသည် တောင်ထိပ်တွင် မတက်တော့ဘဲ အိုးဒုတ်ကြီးအတွင်းမှာပဲ နေထိုင်ရန် ဆုံးဖြတ်လိုက်ပါတယ်။
              နတ်စိမ်းဘ၀သို့ ရောက်ရှိနေသော မိဖုရားစောနန်းဝေဟာ မိမိရင်သွေးငယ်လေးကို ကယ်တင်စောင့်ရှောက်ရန်အတွက် ဇွဲကပင်တောင်ခြေရေတံခွန်စခန်းတွင် နေထိုင်သော မိမိ၏မောင်တော် နဂါးမင်းသားထံ အကူညီတောင်းရန်အတွက် ထွက်သွားခဲ့ကာရေတံခွန်သို့ရောက်ရှိခဲ့ပါတယ်။ မိဖုရားစောနန်းဝေကတော့ မိမိ၏ အဖြစ်စဉ်အသေးစိတ်ကိုပြန်ပြောပါတယ်။ ထိုအခါ မောင်ဖြစ်သူနဂါးမင်းက စိတ်မကောင်းဖြစ်၍ အစ်မတော်ရဲ့စိတ်တော်မပူပင်အောင် တူမောင်လေးကို စောင့်ရှောက်မည်’ဟု ကတိပေးပြီး ခရားသံလျင်မြစ်ကြောင်းအတိုင်း နဂါးတို့ရဲ့ ဣဒ္ဓိတန်ခိုးဖြင့် လိုက်လံရှာဖွေခဲ့ပါတယ်။မကြာမှီအချိန်တွင်းမှာ နဂါးမင်းက အိုးဒုတ်ကြီးကိုတွေ့ပြီး ၀မ်းသာအားရစွာဖြင့် သွားရောက်ကြည့်ရှူလေရာ အိုးဒုတ်ကြီးထဲမှာ တူတော်ကလေးကို မတွေ့ရဘဲ မထင်မှတ်ဘဲ အိုးဒုတ်ကြီးအတွင်းမှာ ဖားမဲမဲကြီးတစ်ကောင်အားတွေ့ရှိရသဖြင့် ဒေါသမျက်ချောင်းထွက်ပြီး “အသင်ဖားကြီး ဤအိုးဒုတ်ကြီးထဲမှ ကလေးငယ်အား သင်စားလိုက်ပြီး မဟုတ်လား”ဟု စွတ်စွဲလိုက်ပါတယ် ။ဖားမင်းကြီးကလဲ ဤအိုးဒုတ်ကြီးက အလွတ်ကြီးဖြစ်နေပြီး ၀င်ရောက်နေထိုင်ရခြင်းကြောင်း ရှင်းပြသော်လည်း နဂါးကြီးမှ ဒေါသဖြစ်၍ ဖားမင်း၏စကားကို မယုံကြည်တော့ဘဲ ‘ငါ၏ တူလေးကို မင်းစားပြီး ဒီအိုးဒုတ်ကြီးမှာ မင်းဇိမ်ရစ်နေတာပေါ.။အခုတော့ မင်းကိုငါပြန်စားရလိမ့်မယ်”ပြောပြီး ဖားကြီးအား ဖမ်းဆီးရာ ဖားကြီးကလဲ ကြောက်လန့်ပြီး အိုးအတွင်းမှခုန်ထွက်ပြီး၊ အဝေးသို့ကူးခတ်ထွက်ပြေးသွားတယ်။ ဒီလိုနဲ့ပဲ ဖားကြီးက ပြေးလိုက် နောက်မှ နဂါးကြီးကလိုက်သည့် ခရီးစဉ်တစ်လျှောက်ရော၊ ပြီးတော့ ဖားကြီးခိုအောင်းပုန်းနေသည့်နေရာများ အစွဲပြုပြီး ဖားအမည်ရှိ၊ရွာများ၊မြို.များ ယနေ့အချိန်တိုင် လူတွေက ခေါ်တွင်လျှက်ရှိပါတယ်။
   နောက်ဆုံးတော့ ကျောက်ငူအစွန်းထိပ်နေ၇ာတွင် နဂါးကြီးနှင့်ဖားမင်းတို့ နှစ်ဦးမျက်နှာချင်းဆိုင်တွေ့ကြပါတယ်။ထိုအခါ နဂါးကြီးက “အသင်ဖားမင်း၊အခုတော့ဘယ်လိုမျှ ပြေးလို့မရတော့ပါ။ငါ့ရဲ့တူတော်မောင်အားမင်းစားခဲ့ပြီးဟု ငါယုံကြည်တယ်။ယခုမင်းအား ငါ၏အစာဖြစ်စားပါတော့မည်”ဟု ဆိုပြီး ၀မ်းအတွင်းသို.အစာဖြစ် မြိုချလိုက်ပါတော့တယ်။ဖားမင်းကြီးကလဲ  နဂါးမင်းကြီး၏ ၀မ်းအတွင်းသို့ရောက်ရှိနေသော်လည်း အသက်ဝိဥာဉ်ဇိဝိန်မှာ ပျက်စီးခြင်းမရှိဘဲ အသက်ရှင်လျှက်ရှိပါတယ်။ဘာကြောင့်လဲဆိုတော့ ဖားမင်း၏၀မ်းအတွင်းမှာ လွန်ဘုန်းတန်ခိုးရှိသော ဣဒ္ဓိပါဒ် ပြဒါးရှင်လုံးရှိနေသောကြောင့် ဖြစ်ပါတယ်။ဖားမင်းကြီးကလဲ ခိုကိုးရာမဲ့အသက်ရှင်ရန် ကြိုးစားကာ နဂါးကြီး၏ ၀မ်းပိုက်အတွင်း မိမိ၏အားကိုးရာ ခြေနှင့်လက်တိုဖြင့် နဂါးကြီး ၀မ်းပိုက်အား ပြင်းထန်သောအားဖြင့် ကုတ်ခြစ်နေပါတယ်။
နဂါးကြီးကလဲ မိမိ၏ ၀မ်းပိုက်မှာ ဖားမင်းကြီး ကုတ်ခြစ်နေသဖြင့် မခံချိမခံသာလောက်အောင် ဝေဒနာခံစားနေရပါတယ်။နောက်ဆုံးတော့ နဂါးမင်းကဝေဒနာကို မခံစားနိုင်ပဲ ဖားမင်းကို ပျို့အန်ထုတ်ပစ်လိုက်တယ်။ဖားမင်းကြီးကလဲ ကြောက်လန့်တကြားနဲ့ထွက်ပြေးပြီး မိမိ၏ နေရပ်ဖားပုတောင်သို့ ထွက်ပြေးသွားပါတယ်။နဂါကြီးကလဲ ဖားမင်းကြီးကို ရှေ့ဆက်ပြီး မလိုက်နိုင်တော့ပါ။(နဂါးမင်းကြီးက ဖားမင်းကြီးကို အန်ထုတ်ခဲ့တဲ့နေရာက ဖားအံလို့ခေါ်ဝေါ်ကြပါတယ်။အခုဆိုရင် ဘားအံမြို့ပေါ့ဗျ။
          မိဖုရားလေးစောနန်းဝေ၏ရင်သွေးသားကလေးအကြောင်း ဆက်၍ ပြဆိုပါဦးမယ်ခင်ဗျား။သားငယ်လေးကို ဖားပုတောင်ခြေအိုးဒုတ်ကြီးအတွင်းမှ တံငါသည် ကရင်လင်မယားတွေ့ရှိပြီး ကျွေးမွေးလာခဲ့သော ခလေးကို အချိန်တွေကြာလာတော့ လူပျိုရွယ်ပေါက်လာတယ်။ မင်းသားလေးသည် လွန်စွာ ဇာတိမာန် သတ္တိစွမ်းပကာ ပြည့်စုံတဲ့လူတစ်ယောက်ဖြစ်ပါတယ်။ထိုအချိန်မှာသံလွင်မြစ်အတွင်းမှာ သွားလာနေသော နဂါးကြီးတစ်ကောင်ကို လူတွေ ထိတ်လန့်နေကြတယ်။မင်းသားလေးသည် ဒီနဂါးကြီးက လူတွေကို ဒုက္ခပေးနေသောကြောင့် ဒီနဂါးကြီးကိုတော့ ငါသတ်တော့မည်ဟု ဆုံးဖြတ်ကာနဂါးကြီးလာမည့်လမ်းကို စောင့်မျှော်နေစဉ်အတွင်း မိခင်အရင်းဖြစ်သော စောနန်းဝေနတ်သမီးကမိမိ၏သားတော်သည် သူ၏ မောင်တော်ဖြစ်သော နဂါးကြီးကို သတ်ရမဲ့အရေးကို သိရှိသွားအခါ သားတော်ကို တားမြစ်ပါတယ်။”အသင်မင်းသား၊ဒီနဂါးကြီးဟာ သားတော်ရဲ့ဦးရီးတော်အစစ်အမှန်ဖြစ်ပါတယ်။သားတော်လေးရဲ့ ဦးရီးတော်နဂါးကြီးကို ဧကန်ပြစ်မှားရင် သတ်မိပါက သစ္စာ ဖောက်ပြား၍ အကုသိုလ်ကြီး ဖြစ်ကာ နဂါးကြီး၏သွေးစက်များ သားတော်လေးအပေါ် ကျရောက်ထိမှန်ပါက ချစ်သားလေးသည် ဧကန်မုချ မနုဿ လူသားစစ်စစ်မှ နဂါးအဖြစ်လာပါလိမ့်မယ်”ဟု သားတော်ကို ပြောပါတယ်။ မင်းသားလေးသည် မိဖုရားစောနန်းဝေရဲ့စကားကို မယုံကြည်ပဲ နဂါးကြီးသွားလေရာ လမ်းခရီးအတိုင်း ခြုံကွယ်လေးမှာ အဆင့်သင့် စောင့်ဆိုင်းနေလေရာ နဂါးကြီးသည် မည်သူ့ကိုမျှ ဂရုမစိုက်ဘဲ လာခဲ့လေရာ မင်းသားလေးနဲ့ နီးကပ်လာသောအခါ မင်းသားလေးသည် နဂါးကြီးအား မကြောက်မရွံ့ပဲ ပြင်းထန်သော အားမာန်ဖြင့် နဂါးကြီးကို ခုတ်ဖြတ်ပြီး နဂါးကြီးသည် ခေါင်းနဲ့တခြားစီဖြစ်ကာ သွေးများပန်းထွက်ယိုစီးလေရာ မင်းသားလေး၏ တစ်ကိုယ်လုံး၌ နဂါးကြီး ၏သွေးများလိမ့်ကျမိသောအခါ မင်းသားလေးမှာ လူသားစင်စစ်မှ နဂါးဖြစ်သွားရှာတယ် ။နဂါးကြီးသည် အယူသိမ်းပြီး နတ်စိမ်းဖြစ်သွားပါတယ်။ အစ်မကြီး စောနန်းဝေနှင့်အတူတူနေကြတော့တယ် ။နတ်မောင်နှမနှစ်ယောက်တို့က မိမိတို့နေထိုင်ရာ ဇွဲကပင်တောင်ခြေရေတံခွန်စမ်းချောင်းကို ပြန်လာခဲ့ပါတယ်။
         ဇာတ်သိမ်းကတော့ စောနန်းဝေရဲ.အဖေ ၀ိဇ္ဇာဓိုရ်ယောကျာ်းက ဇွဲကပင်တောင်သို့ ပြန်လည်ရောက်ရှိလာတော့မယ်။ထိုအခါ ၀ိဇ္ဖာဓိုရ်တစ်ယောက် မိမိနှင့်ပေါင်းဖက်နေထိုင်ဖူးသော ချစ်ဇနီးနဂါးမကို ပြန်လည်သတိရနေပါတယ်။ဝိဇ္ဇာဓိုရ်လုလင်သည် အကြောင်းစုံကို ဆင်ခြင်ကြည့်လိုက်တော့ သားတော် သမီးတော်များ ရရှိခဲ့ပြီးသော်၊ သားတော် သမီးတော်တွေက ကံမကောင်းအကျိုးမလှသောကြောင့် အသီးသီးနတ်စိမ်းတွေ ဖြစ်နေပါတယ်လို့ သိလိုက်ရသောအခါ မိမိ၏သားတော်၊သမီးတော်တို့ကို ခေါ်ယူတွေ့ဆုံခဲ့ပါတယ်။ သားတော် သမီးတော်တွေ တွေ့ရတာ ၀မ်းသာပေမဲ့ သားသမီးတွေရဲ့ အဖြစ်အပျက်တွေကို စိတ်မကောင်းပြီး မျက်ရည်တဖြိုင်ဖြိုင်ကျပါတယ်။ စောနန်းဝေ နတ်မောင်နှမတို့ကလဲ ဘားအံကျောက်ငူအစွန်းမှာ ဘုရားတည်ထားကိုးကွယ်ရန် ဖခင်းကြီးကိုလျှောက်ထားပြောဆိုကြပါတယ်။ဖခင်းကြီးကလဲ သားနှင့်သမီး၏အကုသိုလ်ကောင်းမူပြုနိုင်ရန်အတွက် အနောက်မဇ္စိုမတိုင်းဌာနမှ မြတ်စွာဘုရား၏ ဓာတ်တော်မွေတော်များကို ပင့်ဆောင်ပေးခဲ့ပါတယ်။
စောနန်းဝေမောင်နှမတို့ကလဲ ဖခင်ကြီးပင့်ဆောင်လာသောမဇ္စိုမ ဒေသတိုင်းမှ ဓာတ်တော်များကိုလည်း ရွှေ၊ငွေ၊ကျောက်သံပတ္တမြား၊ပုလဲရတနာတို့ဖြင့် ခြံရံကာ စောနန်းဝေမောင်နှမတို့က ဌာပနာပူဇော်ပြီး အဲဒီစေတီကို “မျှော်တော်မူဘုရား”စေတီလို့ခေါ်ပါတယ်။ယခုတော့ “ရွှေယဉ်မျှော်”လို့ ပြောင်းလဲခေါ်ကြပါတယ်။.......သိထားသလောက်ရေးထားပါတယ် မပြည့်စုံသေးရင် ခွင့်လွှတ်ပေးပါခင်ဗျား..လေးစားစွာဖြင့် ကျေးဇူးတင်လျက် ...စာရေးသူ (Myint Myat)

Posted By :-:Eastern Princess Travel