မိုးဇက်

MOSES(ဘီစီ ၁၄ ရာစုနှင့် ၁၃ ရာစု အတွင်း)
ဟီးဗရူးပရောဖက်၊ သင်ကြားသူ အာစရိ၊ လူမျိုးခေါင်းဆောင်စသည့် ဂုဏ်ပုဒ်များဖြင့် မိုးဇက်ကို သိကြသည်။ သူသည် အီဂျစ်ကျေးကျွန်ဘ၀ ရောက်နေသော သူ့လူ များကို အီဂျစ်တို့လက် အောက်မှ ခွဲထုတ် ကယ်တင်ပြီး၊ ယခု အခါအစ္စရေးဟု လူသိ များသည့် ဘာသာရေး လူ့အဖွဲ့အစည်းတစ်ခုကို ဦးဆောင် ထူထောင်ခဲ့သူ ဖြစ်လေသည်။ ယနေ့ အနောက်တိုင်းယဉ်ကျေးမှု၏ လူမှုရေးကိုယ်ကျင့်တရား၊ စရဏကျင့်စဉ်၊ ဘာသာရေးဘ၀များအပေါ် သြဇာညောင်းသည်။ Ten Commondments ကို ဖော်ထုတ်ခဲ့သူလည်း ဖြစ်၏။ ယနေ့ကမ္ဘာပေါ်တွင် လူအဖတ်အများဆုံး စာအုပ်များဖြစ်သည့် ထွက်မြောက်ရာကျမ်း (Exodus)၊ လှည့်လည်ရာကျမ်း (Numbers) အပါအ၀င် ထင်ရှားသည့် ဓမ္မဟောင်းကျမ်း ငါးကျမ်းကိုလည်း ပြုစုခဲ့လေသည်။

ဟီးဗရူးအမည်မှာ မိုးရှေး(Moshe) ဖြစ်သည်။ သူ့မွေးအမေက သူ့အတွက် ကလေးထိန်းငှားခဲ့ရာ၊ သူမထံမှ ဟီးဗရူးသမိုင်းနှင့် ထုံးတမ်း စဉ်လာများကို သိခဲ့ရ၏။ တစ်ရက် သူခရီးသွားနေစဉ်၊ ဟီးဗရူး ကျွန် တစ်ယောက်ကို ရိုက်နှက်ပြီး ရက်ရက်စက်စက် ခိုင်းစေနေသည့် အီဂျစ် သခင်ယောက်ကို သူသတ်လိုက်မိ၏။ ထိုအပြစ်ကို ကြောက်ပြီး မစ်ဒီယန် (ယခုအာရေဗျ အနောက်မြောက်မှာရှိ) အရပ်သို့ ထွက်ပြေးတိမ်းရှောင်နေခဲ့ သည်။ ထိုအရပ်တွင် သိုးထိန်းလုပ်ကာ နေရင်း၊ ဘရင်ဂျီဘုန်းကြီး Jethno ၏ သားမက်ဖြစ်လာ၏။ တစ်နေ့ သူသိုးများထိန်းမကျောင်းနေစဉ် အနီးရှိ ခြုံပုတ်မှ မီးထတောက်တာ တွေ့ရ၏။ သူက အတိတ်ကောက်ကာ ကောင်းကင်ဘုံရှိ ဖန်ဆင်းရှင်ထာဝရက သူ့ကိုအလိုရှိ၍ အချက်ပြသည် ယူလိုက်၏။ ယေဟိုးဝါ(Yahweh)၏ တရားတွေ ဟောပြောတော့သည်။ အီဂျစ်ဖားရော့ဘုရင်ဒုတိယမြောက် ရမ်ဆေးက လုံးဝသဘောမကျ။ ဖိနှိပ်မှု ပြုသည်။ ထို့ကြောင့် သူ့လူ(ဂျူးကျေးကျွန်)များကို ခေါ်ကာ၊ အီဂျစ် လက် အောက်က ဆိုင်းနိုင်းကုန်းမြေဘက် ထွက်ပြေးရလေသည်။ (ယခုအခါ အီဂျစ်အရှေ့မြောက်ပိုင်း တွင်ရှိသည့် ပင်နင်ဆူလာ Pininsula အရပ်။)

ဒုတိယရမ်ဆေး၏ လူများက လိုက်လံတိုက်ခိုက်သည့်အတွက် အရှေ့စူးစူး ကျူတောပေါ်လယ် (Sea of Reeds ဖြစ်ပါသည်။ Red Sea ပင်လယ် မဟုတ်ပါ) ကို ဖြတ်ကာ ပြေးသည်။ အီဂျစ်တပ်များက ၀ိုင်းရံ ထားသော်လည်း အောင်မြင်စွာ ဖြတ်ကျော်နိုင်ခဲ့၏။ ထိုမှ Canaan အရပ်(ဘုရားသခင်က အဲဗဟမ်အား ဗျာဒိတ်ပေးခဲ့သည့် Promised Land, ဂျော်ဒန်မြစ် အနောက်ဘက် ယခုပါလက်စတိုင်းနေရာ)ကို ခရီးဆက်ခဲ့ သည်။ ထိုနေရာတွင် အခြေချနေထိုင်ကြခိုက်၊ မိုးဇက်ကို အတိုက်ခံလုပ်လို သူတွေ တစ်နေ့တခြားတိုပွားသဖြင့် တစ်ရက်၌ နယ်မြေသစ်ရှာဦးမည်ဟု ပြောကာ မိုးဇက်သည် Pisgah (ယခု ဂျော်ဒန်တွင်ရှိ) တောင်ပေါ်သို့ တစ်ကိုယ်တည်း ထွက်ခွာသွား၏။ ထိုအချိန်ကစ၍ မိုးဇက်ကို မည်သူမှပြန် မတွေ့ရတော့ချေ။ သူသေဆုံးကြောင်း အခိုင်အမာ သက်သေမရှိ။ သူ့ဘ၀ နိဂုံးသည် လျှို့ဝှက်သဲဖိုဆန်ဆန် ပဟေဠိတစ်ပုဒ် ဖြစ်နေလေသည်။ သို့သော် သူသာမရှိခဲ့လျှင် ယနေ့ကမ္ဘာပေါ်၌ အစ္စရေးနိုင်ငံ မရှိနိုင်သကဲ့သို့ The Torah ခေါ် ဟီးဗရူးဘာသာ ဓမ္မဟောင်းကျမ်းများသည်လည်း ရှိလိမ့် မည် မထင်ပါချေ။