(မွေးဖွား - ၃၅၆ ဘီစီ Pella မက်ဆီဒိုနီးယား၊
ကွယ်လွန်- ဇွန် ၁၃၊ ၃၂၃ ဘီစီ ဘေဘီလုံ)
သူသည် မဟာအလက်ဇန္ဒယားအမည် ဖြင့်လည်းကောင်း၊ တတိယမြောက် အလက်ဇန္ဒယား အမည်ဖြင့် လည်းကောင်း၊ မက်ဆီဒိုးနီး ယား ဘုရင်အဖြစ်၊ ကြီးမားလှသော ပါရှန်း အင်ပါယာကြီးတစ်ခုလုံး (၃၃၆ မှ ၃၂၃ ဘီစီ အတွင်း) အုပ်ချုပ်ခဲ့လေသည်။ သူ့ဖခင်မှာ မက်ဆီဒိုးနီးယားဘုရင် ဒုတိယ ဖိလစ်၊ မိခင်မှာ မင်းသမီး အိုလံပီယား ဖြစ်သည်။ သူသည် ၁၃ နှစ် မှ ၁၆ နှစ်အတွင်း ဂရိဒဿနိက ဆရာကြီး အရစ္စတိုတယ်ထံတွင် ပညာသင်ကြားခဲ့သည်။ သူစိတ်ဝင်စားသော ဘာသာရပ်များမှာ ဒဿနိက၊ ဆေးပညာနှင့် သိပ္ပံနည်းကျ စူးစမ်းလေ့လာမှု(သုတေသန)တို့ ဖြစ်သည်။
သူသည် ၁၈ နှစ်သားကပင် Chaeronea စစ်မြေပြင်တွင် အစွမ်းပြ တိုက်ခိုက်နိုင်ခဲ့သည်။ ထို့ကြောင့် ၃၃၆ တွင် သူ့အဖေ လုပ်ကြံခံရ၍ကွယ်လွန်သောအခါ၊ နန်းမွေ ဆက်ခံမှုကို ကန့်ကွက်သူမရှိပဲ အလွယ်တကူ ရရှိခဲ့သည်။
သူသည် ဘုရင် ဖြစ် သည်နှင့် စစ်တပ်ကို တောင့် တင်းခိုင်မာ ကောင်းမွန်အောင် ပြင်ဆင်ဖွဲ့စည်းကာ နယ်ချဲ့ တိုက်ပွဲများ ဆင်နွှဲတော့သည်။ သူသည် ကိုယ်တိုင်ရဲစွမ်းသတ္တိ ပြည့်စုံရုံမက၊ စစ်မက်ရေးရာ၌ ပါ ကျွမ်းကျင်လိမ္မာသူ ဖြစ် သည်။ ဂရိနိုင်ငံ Thebes ကို ကိုယ်တိုင်ဝင်တိုက်သည်။ ရန်သူ ၆၀၀၀ ကို သတ်ဖြတ်လိုက်ကာ ဖမ်းမိ သော သုံ့ပန်းများကို ကျေးကျွန်များအဖြစ် ရောင်းချလိုက်သဖြင့် ကျန်ဂရိ နိုင်ငံများ ကြောက်လန့်ခြောက်ချားကာ အလိုအလျောက်ပင် အညံ့ခံလာကြ သည်။ ၃၃၄ ဆောင်တွင်းတွင် ပါရှန်းအင်ပါယာကြီးတစ်ခုလုံး၏ ၀င်ပေါက် ဖြစ်သော အာရှမိုင်းနား အနောက်ပိုင်းကို တိုက်ခိုက်သိမ်း ပိုက်လိုက်၏။ ၃၃၃ တွင် ပါရှန်းတစ်နိုင်ငံလုံး သိမ်းယူနိုင်ခဲ့သည်။
ပါရှန်းဘုရင် တတိယမြောက် ဒရိုင်းယပ်စ်က လက်နက်ချ အညံ့ခံ တာကိုပင် လက်မခံခဲ့။ ထို့နောက်တွင် မြောက်ဘက်ဆီးရီးယားနှင့် ဖိုနီဆီး ယား (Phoenicia) ကို ချီတက်တိုက်ခိုက်သည်။ ကျွန်းမြို့တော်ဖြစ်သည့် တိုင်ယာ Tyne ကို ခုနှစ်လ ကြာအောင် ပိတ်ဆို့တိုက်ခိုက်ခဲ့ရ ၏။ နိုဝင်ဘာ ၃၃၂ တွင် အီဂျစ်ကို အောင်နိုင်သည်။ အီဂျစ်တွေက အညံ့ခံလာခြင်း ဖြစ်သည်။ သူ့ကို အီဂျစ်ဘုရင် ဖားရော့အဖြစ် အသိအမှတ်ပြုခဲ့ကြ၏။ သူသည် နိုင်းမြစ်အနောက်ဘက်ကမ်းခြေတွင် ယခုတိုင် ထင်ရှားဆဲ ဖြစ်သည့် အလက်ဇန္ဒယားမြို့ကို ထူထောင်ခဲ့သည်။ အီဂျစ်ကို ရရှိသဖြင့် မက်ဒီ တာရေးနီးယန်း အရှေ့ပိုင်းတစ်ခုလုံးကို ချုပ်ကိုင်ဖို့ လွယ်ကူသွား၏။ ၃၃၂ တွင် တိုင်ယာကိုပြန်၍ နန်းစံသည်။ ပါရှန်းနန်းကျဘုရင် ဒရိုင်းယပ်စ် လုပ်ကြံသတ်ဖြတ်ခံရသောအခါ၊ သူသည် ပြိုင်ဘက်မရှိ ဧကရာဇ်မင်း ဖြစ်လာသည်။
၃၂၇ နွေဦးတွင် Hinds Kush ကို ဖြတ်၍ အိန္ဒိယကို ၀င်တိုက် သည်။ သူ၏ နောက်ဆုံးနှင့် အကြီးအကျယ်ဆုံး တိုက်ပွဲများ ဖြစ်သည်။ Hydaspes (ယခု TheLum) မြစ် ကမ်းပါးတွင် မြို့နှစ်မြို့ထူထောင်ခဲ့ သည်။
သူ့အောင်ပွဲကို ဂုဏ်ပြုသည့် Alexandria Nicaea နှင့် တိုက်ပွဲတွင် သေဆုံး သွားသည့် သူ့မြင်းအမည်ကို အစွဲပြုမှည့်ခေါ်သည့် Buceph-ala တို့ ဖြစ် သည်။ သူ့တပ်ပမ်းနေသဖြင့် တပ်ခေါက်ခဲ့ရသည်။ ၃၂၄ တွင် ပါရှန်း မြို့တော် စူစ(SuSa) ပြန်ရောက်သည်။ ပါရှန်းအင်ပါယာတစ်ခုလုံး သူ အုပ်မိုးထားနိုင်ပြီ ဖြစ်သည်။ သူ့ရည်ရွယ်ချက်က ပါရှန်းနှင့် မက်ဆီဒို ဗေးနီးယန်းတို့ သွေးနှောကာ ဓလေ့ထုံးစံများ ညှိနှိုင်း၍ လူမျိုးတစ်မျိုးအဖြစ် အရှည်တည်တံ့နိုင်ဖို့ ဖြစ်၏။
ထို့ကြောင့် သူကိုယ်တိုင် ပါရှန်းမင်းသမီး တစ်ပါးကို လက်ထပ် ယူကာ၊ သူ့လက်အောက်အရာရှိ ရှစ်ဆယ်(၈၀)ကျော်ကိုလည်း ပါရှန်း အမျိုးသမီးများကို လက်ထပ်ယူစေသည်။ ပါရှန်းလူမျိုးများကို သူ့စစ်တပ် တွင် စစ်မှုထမ်းခွင့်ပေးသည်။ နောက် သူသည် ဘေဘီလုံမြို့မှာ ပြောင်း ရွှေ့စံသည်။ ထိုမြို့တွင် ဂုဏ်ပြုစားသောက်ပွဲကြီးကို ကာလကြာမြင့်စွာ ကျင်းပသည်။ ထိုပွဲအပြီး သူသည် ပြင်းထန်စွာ မမာမကျန်းဖြစ်ကာ ၂၀ ရက် ကြာသောအခါ ကွယ်လွန်လေသည်။ သူ့အလောင်းကို ရွှေခေါင်းဖြင့် ထည့်ကာ အီဂျစ်ရှိ အလက်ဇန္ဒယားမြို့ကို သယ်ဆောင်၍ ခမ်းနား ကြီးကျယ်စွာ သင်္ဂြိုဟ်ခဲ့ကြလေသည်။
No comments:
Post a Comment